image

Պատրաստ ենք մարտերու փոքր դադարներու, բայց ոչ՝ հրադադարի. Նաթանիահու

Պատրաստ ենք մարտերու փոքր դադարներու, բայց ոչ՝ հրադադարի. Նաթանիահու

Իսրայէլի վարչապետ Բենիամին Նաթանիահուն յայտարարած է, որ իր երկիրը կրնայ դիմել մարտերու մէջ «փոքրիկ մարտավարական դադարներու», որ թոյլ տայ Կազայի հատուած մարդասիրական օգնութեան մատակարարում կամ այնտեղէն գերիներու դուրսբերում։ Այնուամենայնիւ, ան մերժած է հրադադարի կոչերը՝ հակառակ միջազգային ճնշման։ Այս մասին Նաթանիահուն յայտնած է ABC News պարբերականին տուած հարցազրոյցին։

«Կազայի մէջ համընդհանուր հրադադար տեղի պիտի չունենայ՝ առանց մեր գերիներու ազատ արձակման։ Ինչ կը վերաբերի փոքր մարտավարական դադարներուն՝ մէկ ժամ այստեղ, մէկ ժամ այնտեղ, ապա մենք նախապէս ալ նման բան ըրած ենք։ Կը կարծեմ՝ հաշուի կ՚առնենք հանգամանքները, որ թոյլ տանք, որ ապրանքները, մարդասիրական ապրանքները ներս մտնեն կամ մեր գերիները, առանձին գերիներ, դուրս բերուին։ Բայց չեմ կարծեր, թէ համընդհանուր հրադադար կ՚ըլլայ», -յայտնած է Նաթանիահուն։

Իսրայէլի վարչապետը աւելցուցած է, որ հրադադարը կը խոչընդոտէ պատերազմ վարելու իր երկրի ջանքերը, ինչպէս նաեւ գերիները ազատ արձակելու գործընթացը, քանի որ պաղեստսինեան ՀԱՄԱՍ արմատական շարժման վրայ, Նաթանիահուի համոզմամբ, միայն կ՚ազդէ «մեր գործադրած ռազմական ճնշումը»։