Պաշտպանել Կազայի բնակչութեան անվտանգութիւնը. Պայտընը՝ Նաթանիահուին

Պաշտպանել Կազայի բնակչութեան անվտանգութիւնը. Պայտընը՝ Նաթանիահուին

ԱՄՆ նախագահ Ճօ Պայտը Իսրայէլի վարչապետ Բենիամին Նաթանիահուի հետ հեռախօսազրոյցի ընթացքին վերահաստատած է Իսրայէլի՝ իրեն պաշտպանելու իրաւունքը, սակայն ընդգծած է «պատերազմի օրէնքները» յարգելու, այդ շարքին՝ Կազայի հատուածի խաղաղ բնակչութեան պաշտպանութիւնն ապահովելու կարեւորութիւնը։ Այս մասին գրած է ՌԻԱ Նովոսթին՝ Սպիտակ տան յղումով։

«Նախագահը վերահաստատած է ԱՄՆ-ի աջակցութիւնը Իսրայէլի՝ իրեն պաշտպանելու իրաւունքին եւ պատասխանատւութիւնը՝ ապահովելու իր քաղաքացիներու անվտանգութիւնը՝ միաժամանակ ընդգծելով պատերազմի օրէնքներուն համապատասխան գործելու, այդ շարքին՝ ՀԱՄԱՍ-ի կողմէ սկսած հակամարտութեան կիզակէտին յայտնուած Կազայի խաղաղ բնակչութեան պաշտպանութիւնն ապահովելու կարեւորութիւնը», -ըսուած է Սպիտակ տան տարածած մամուլի հաղորդագրութեան մէջ։

Հերթական հեռախօսազրոյցի ընթացքին ԱՄՆ-ի ու Իսրայէլի առաջնորդները քննարկած են նաեւ Եգիպտոսէն Կազայի հատուած մարդասիրական օգնութեան մատակարարաման ծրագրերը, ինչպէս նաեւ ՀԱՄԱՍ-ի կողմէ գերեվարուած անձանց ազատ արձակմանն ուղղուած քայլերը։