Օրեր առաջ Դամասկոսի մէջ վիրաւորուած է Սուրիոյ բանակի հայ զինուոր` Արարատ Մահտեսեանը:
Այս մասին «Արեւելք» տեղեկութիւն ստացաւ Քեսապի իր աղբիւրէն, ուր Արարատ կը գտնուի ներկայիս եւ կանցընէ բուժման շրջան մը:
Մեր աղբիւրը նաեւ յայտնեց, որ Արարատի վիճակը կը գնահատուի բաւարար, ան վիրաւորուած է ոտքէն, օրեր առաջ Դամասկոսի գիւղական հատուածներուն մէջ Սուրիոյ բանակին կողմէ ահաբեկիչներուն դէմ շղթայազերծուած մարտերուն ընթացքին:
Յիշեցնենք, որ ծնունդով Քեսապցի Մահտեսեան Սուրիոյ բանակի պահեստային զինուոր է:
