Նոյեմբերէն ի վեր ունինք 66 նահատակ

Նոյեմբերէն ի վեր ունինք 66 նահատակ
11 Նոյեմբեր 2021-էն՝ հրադադարի մասին ՀՀ, ՌԴ եւ Ատրպէյճանի ղեկավարներու եռակողմ յայտարարութեան ուժի մէջ մտնելէն մինչ օրս, հայկական բանակին մէջ գրանցուած է առնուազն 66 զինծառայողի/կամաւորականի/պահեստազօրայինի մահ։
 
Անոնցմէ 24-ը մարտական կորուստներն են, զոհուած են այնպիսի միջադէպերու ժամանակ, ինչպիսիք են Խծաբերդ-Հին Թաղերու վրայ ատրպէյճանական յարձակումը, Արցախի բռնագրաւուած տարածքներու մէջ շրջափակուած հայ զինծառայողներու սպանութիւնները, 2021-ի Մայիս-Յուլիսին սահմանային բախումները, ինչպէս նաեւ ականի պայթումները։
 
Միաժամանակ գրանցուած է 42 ոչ մարտական կորուստ, այդ շարքի՝ ինքնասպանութիւններ, մահեր հիւանդութիւններէ, ինքնաշարժի վթարներէ, սպանութիւններէ եւ զէնքի հետ վարուելու կանոններու խախտումներէ։
 
10 Նոյեմբերէն սկսեալ Ատրպէյճանը, խախտելով եռակողմ յայտարարութեամբ ստանձնած պարտաւորուածութիւնները, ոչ միայն չէ վերադարձուցած գերեվարուած բոլոր հայ զինծառայողները եւ քաղաքացիական անձերը, այլեւ շարունակած է նոր գերիներ վերցնել, որոնց թիւը կը հասնի 85-ի։ «Ռազմինֆօ»ի դիտարկումներով՝ այս պահուն վերադարձուած է 10 Նոյեմբերէն ետք գերեվարուած առնուազն 30 անձ, որոնցմէ 15-ը ականապատ դաշտերու քարտէզներու դիմաց։
 
Նոյն ժամանակահատուածին մէջ անյայտ կորսուած է 3 զինծառայող։ Անոնցմէ մէկը՝ ժամկէտային զինծառայող Նորիկ Մկրտչեանը, 18 Մայիսին ինքնակամ լքած էր Վարդենիսի զօրամասը։ Անոր գտնելու մասին տեղեկութիւն դեռ չկայ։ Իսկ 14 Յուլիսին Սիւնիքի Սեւ լիճի հատուածին մէջ կորսուած էր կապը զինծառայողներ Ա․ Նալպանտեանի եւ Ա. Տոռոզեանի հետ։ Մինչ օրս անոնք չեն յայտնաբերուած, ՊՆ-ն չի բացառեր անոնց գերեվարումը ատրպեճանցիներու կողմէ։ Զինծառայողները եղած են առանց զէնքի։