-1.91c
Երեվան
կրկ, դկտ 28
Ռուսաստանի մէջ Սուրիոյ դեսպան Ռիատ Հատտատ օրերս յայտարարութիւն մը կատարած է հերքելով օրերս համացանցին վրայ տարածուած այն տեկեկութիւնները, ըստ որոնց նախագահ Ասատ փոխադրուած է Մոսկուա։
«Արեւելք» այս մասին իմացաւ «Ալ Ժատիտ» կայանէն։
Դեսպանը նաեւ նշած է, որ Սուրիոյ նախագահը իր բուժումը կը շարունակէ Դամասկոսի մէջ եւ բոլոր այն լուրերը, ըստ որոնց ան մեկնած է Ռուսաստան բուժումներ ստանալու համր իրականութեան չեն համապատասխաներ։
Նշենք, որ Սուրիոյ իշխանութիւններուն դէմ եղող մէկէ աւելի աղբիւրներ սուտ լուրեր տարածած էին, ըսելով, որ Ասատի առողջական վիճակը բարդացած է եւ ան այդ պատճառով ալ մեկնած է Մոսկուա։
Նշենք, որ շուրջ շաբաթ մը առաջ Սուրիոյ նախագահութեան թելեկրամի էջը յայտարարած էր, որ նախագահ Ասատ եւ անոր կինը ՝ Ասմա Ասատ վարակուած են «Քորոնա»ով։
