5.09c
Երեվան
ուրբ, նմբ 22
Հերիք է ծաղրել կենսաբազմազանութիւնը, բաւական է սպաննել մեզ ածխածնով, բաւական է բնութեան վերաբերիլ որպէս աղբահօր, բաւական է այրել, փորել եւ հորատել, չէ որ մենք կը փորենք մեր սեփական գերեզմանները:
ՄԱԿ-ի գլխաւոր քարտուղար Անթոնիօ Կութերեշ յայտնած է, որ «մարդկութիւնը կը փորէ իր գերեզմանը»՝ անտեսելով կլիմայի հարցերը, եւ այդ պիտի յանգեցնէ աղէտի:
«Մենք կանգնած ենք խիստ ընտրութեան առջեւ. կամ մենք կը կանգնեցնենք այդ գործընթացը, կամ այն մեզ պիտի կանգնեցնէ։ Հերիք է ծաղրել կենսաբազմազանութիւնը, բաւական է սպաննել մեզ ածխածնով, բաւական է բնութեան վերաբերիլ որպէս աղբահօր, բաւական է այրել, փորել եւ հորատել, չէ որ մենք կը փորենք մեր սեփական գերեզմանները», ըսած է ՄԱԿ-ի գլխաւոր քարտուղարը Կլասկոյի մէջ կլիմայի փոփոխութեան հարցերով խորհրդաժողովին:
Կութերեշ նշած է, որ վերջին վեց տարիները ամենաշոգը դարձած են դիտարկումներու պատմութեան մէջ։ Հիմնական կլիմայական խնդիրներու շարքին են ծովու մակարդակի արագ բարձրացումը, ովկիանոսներու ջերմաստիճանի բարձրացումը, ջերմոցային կազերու քանակի աւելացումը:
«Աշխարհը կը շարժի ջերմաստիճանի աղէտալի բարձրացման՝ ըստ Սելսիուսի 2,7 աստիճանով։ Մենք կը շտապենք կլիմայական աղէտի։ Նոյնիսկ ամենալաւ սենարի պարագային ջերմաստիճանը պիտի բարձրանայ Սելսիուսի աւելի քան 2 աստիճանով», յայտնած է ՄԱԿ-ի գլխաւոր քարտուղարը։
Ան միջազգային հանրութեան կոչ ըրած է անյապաղ միջոցներու ձեռնարկելու՝ կլիմայի անդառնալի փոփոխութիւնները կանխելու համար։
