18.09c
Երեվան
երք, սպտ 01
Միացեալ Նահանգներու Քալիֆորնիոյ նահանգին մէջ պիտի կազմակերպուի երաժշտական յուշանուէրներու աճուրդ, որու ընթացքին վաճառքի պիտի հանուին Մարլէն Մոնրոյի այն վարդագոյն զգեստը, որ հագած էր աստղ՝ Մատոնան 1984-ին իր «Material Girl» երգի տեսահոլովակի ընթացքին, նաեւ Beatles խումբի, նախքան յայտնի տեսքը ստանալը, օգտագործած հարուածային գործիքներու հաւաքածոն, ինչպէս նաեւ այլ երաժշտական իրեր:
Այս մասին «Արեւելք» կը տեղեկանայ LBCI կայքէն:
Աղբիւրը նշած է թէ Մատոնայի զգեստի գինը, աթլասէ ձեռնոցներուն եւ յարգի քարով զարդարուած ապարանջային հետ կը գնահատուի մօտաւորապէս 100 հազարէն 200 հազար տոլարով:
Անոնք վաճառքի պիտի հանուին Մայիսին, «Ժուլիանզ» աճուրդի ծիրէն ներս «Երաժշտական պատկերներ»-ու հաւաքածոյին մաս կազմելով:
Ի դէպ, նշուած զգեստը պատրաստուած էր 1980-ին, Մոնրոյի մասին հեռատեսիլային շարժապատկեր մը նկարահանելու ժամանակ, եւ անիկա վարձուած էր Մատոնայի երաժշտական տեսահոլովակին մէջ օգտագործուելու նպատակով:
Նշուած է նաեւ, որ նոյն աճուրդին մաս պիտի կազմեն նաեւ Ճոն Լենընի եւ Փօլ Մըքարթնիի առաջին խումբերու հազուագիւտ հարուածային գործիքները, որոնց արժէքը կը գնահատուի 400 հազարէն 600 հազար տոլարով:
