30.09c
Երեվան
ուրբ, հլս 05
Թուրքիա- «Եթէ արեւմուտքը կարեւոր զիջումներու չերթայ ապա միջին արեւելքի մէջ առկայ հրդեհը կրնայ կրանել ամբողջ աշխարհը». Նման կարծիք յայտնած է լրագրող Մարգար Եսայեան իր Daily Sabah պարբերականին մէջ այսօր հրապարակած յօդուածին մէջ: Եսայեան մանրամասնօրէն ներկայացնելէ ետք շրջանի ընդհանուր իրավիճակը համոզում յայտնած է, որ Թուրքիոյ նիւթական մեծ վնասներ կրելով կարողացած է Իրաքէն եւ յատկապէս Սուրիայէն խոյս տուած մեծ թիւով գաղթականներ ընդունիլ եւ օգնել տագնապի մեղմացման: 7 Յունիսի ընտրութիւններուն յաղթող AKP կուսակցութեան ցուցակով յաղթած եւ պատգամաւոր ընտրուած Եսայեան մեղադրած է արեւմուտքը եւ ըսած, որ արեւմտեան երկիրներ ամէն կերպ կը փորձեն ISIS-ն եւ PKK-ն օգտագործել ճնշումներ գործադրելու Էրտողանի իշխանութեան դէմ: Ան դիտել տուած է, որ այսօր Թուրքիոյ մէջ օր ցերեկով PKK-ն բանակի բարձրաստիճան սպաներ կը սպաննէ եւ HDP կուսակցութիւնը այդ մէկը կ'ընդումի սառն աչքերով: Եսայանի կարծիքով արեւմուտքը պէտք է մոռնայ Սայքս- Փիքոյի ձեւաչափը եւ զիջումներու երթալով գործակցի շրջանի ազդեցիկ երկիրներուն հետ աւելի արդար, օրէնքի վրայ հիմնուած, ժողովրդավար եւ խաղաղ միջին արեւելք մը ստեղծելու համար: Ան նաեւ արեւմուտքին կոչ ուղղած է գործակցելու իշխող AKP-ին հետ, որովհետեւ իր ըսելով Թուրքիան շրջանի կայունութիան թիւ մէկ երաշախաւորողն է: Հայ երեսփոխանը աւարտին ըսած է, որ եթէ դէպքերը այս հունով շարունակուին ապա միջին արեւելքի մէջ ծագած հրդեհը կրնայ կլանել ամբողջ աշխարհը:
