Կարապետյանների ընտանիքին մոտ գտնվող մի խումբ ընկերներ խոր կսկիծով հայտնել են, որ մահացել է հայտնի հուշարձանագետ Սամվել Կարապետյանի որդին՝ Տիրան Կարապետյանը: Նշենք, որ նրա հայրը՝ պատմաբան, բանահավաք, քարտեզագիր, Հայկական ճարտարապետությունն ուսումնասիրող հիմնադրամի հայաստանյան գրասենյակի նախկին նախագահ Սամվել Կարապետյանը մահացել էր 2020 թվականին:
Տիրան Կարապետյանը Սամվել Կարապետյանի ավագ որդին էր, նա ռեժիսոր էր, նկարահանում էր վավերագրական ֆիլմեր:
Հայտնի է Տիրան Կարապետյանի «Ջուղա» ֆիլմը, որի սցենարի հեղինակը հայրն է՝ Սամվել Կարապետյանը:
Ֆիլմը ներկայացնում է պատմական Ջուղա քաղաքի պատմությունը եւ աշխարհահռչակ գերեզմանոցի ոչնչացումը Նախիջեւանի Ինքնավար Հանրապետության եւ Ադրբեջանի իշխանությունների կողմից:
Տիրան Կարապետյանի հոգեհանգստի արարողությունը տեղի կունենա այսօր՝ 27.06.2023-ին, «Գոռ» սգո սրահում, ժամը 18:00-ին:
Հուղարկավորությունը նույն սրահից, վաղը, ժամը՝ 13:00-ին: Հասցե`Մովսես Սիլիկյան հին խճուղի, 37:
Տիրան Կարապետյանի «Ջուղա» ֆիլմը՝ ստորեւ.