24.09c
Երեվան
ուրբ, հնս 27
Այսօր մահացել է թատերական նշանավոր գործիչ, Հայաստանի Հանրապետության ժողովրդական արտիստ Երվանդ Ղազանչյանը: Այդ մասին հայտնել է նրա որդին՝ բեմադրիչ Հակոբ Ղազանչյանը: Երվանդ Ղազանչյանը ծնվել է 1937 թվականին, նա հայ նշանավոր դերասանուհի Գալյա Նովենցի ամուսինն էր:
Երվանդ Ղազանչյանը բազմաթիվ բեմադրությունների հեղինակ է, 1986-1993 թթ. եղել է Երևանի Պատանի հանդիսատեսի թատրոնի գլխավոր ռեժիսորը, 1993 թվականից՝ Երևանի Հակոբ Պարոնյանի անվան երաժշտական կոմեդիայի պետական թատրոնի գեղարվեստական ղեկավարը, 1993-2002 թթ.` տնօրեն։ 1995-2007 թթ. Հայաստանի թատերական գործիչների միության նախագահն է եղել:
Պետական մրցանակի դափնեկիր է, արժանացել է այլ բարձր կոչումների:
Հայաստանից բացի Երվանդ Ղազանչյանը բեմադրություններ է արել նաև այլ երկրներում, մասնավորապես երկարատև գործունեություն է ունեցել Լիբանանում:
