4.09c
Երեվան
հնգ, փտր 26
6 Փետրուարին մահացաւ «Կարին» աւանդական երգի-պարի խումբի հիմնադիր եւ գեղարուեստական ղեկավար, Հայաստանի մշակոյթի վաստակաւոր գործիչ, մշակութաբան, հասարակական գործիչ Գագիկ Գինոսեան:
Այս մասին յայտնեց Երեւանի թատրոնի եւ շարժապատկերի պետական հիմնարկը։
Գագիկ Գինոսեան ծնած է 3 Օգոստոս 1966ին, Վրաստանի Ախալցխա քաղաքին մէջ:
Ան մասնակցած է Արցախի առաջին պատերազմին եւ եղած է Լէոնիդ Ազգալդեանի հրամանատարութեամբ գործող «Ազատագրական բանակ» ջոկատի ռազմիկ, ապա Օգոստոս 1992ին միացած է «Արծիւ մահապարտներ» յատուկ նշանակութեան գումարտակին:
1994էն 1996, ան ծառայած է Հայաստանի զինուած ուժերու յատուկ նշանակութիւն ունեցող առանձին գումարտակին մէջ: 1995էն 1996, Գինոսեան ուսանած եւ աւարտած է Մոսկուայի Մարիշալ Շապոշնիկովի անուան դաշտային Ռազմական ակադեմիան` ստանալով գունդի եւ ջոկատի հրամանատարի որակաւորում: 1996ին, ան զօրացրուած է Հայաստանի զինուած ուժերու շարքերէն:
Երկար տարիներ ան պարած է «Վան» եւ «Ակունք» ազգագրական պարի համոյթներուն մէջ եւ տարած է բանահաւաքի գործունէութիւն. Ան հիմնադիրը եւ ղեկավարն էր «Կարին» աւանդական երգի-պարի խումբին:
Գինոսեան մասնակցած է Մարտակերտի, Ասկերանի, Մարտունիի, Լաչինի եւ Քելբաջարի ազատագրական մարտերուն:
