31c
Երեվան
կրկ, հնս 21
ՀՀ Կեդրոնական դրամատան նախագահ Մարտին Գալստեան անդրադարձած է դրամի արժեւորման եւ արտահանողներու խնդիրներուն, զայն արհեստականօրէն արժեզրկելու կոչին:
Գալստեան այս մասին խօսած է «Orion Summit 2022» գագաթաժողովին` փանելային քննարկման շրջանակին մէջ:
Մարտին Գալստեան նախ խօսեցաւ դրամի արժեւորման մասին: Անդրադառնալով անոր նպաստող գործօններուն` ան նշեց Հայաստան օտարերկրեայ այցելուներու հոսքին, ծառայութիւններու արտահանման աճին մասին: «Ձեզնից շատերն են երեկոյեան լինում ճաշարաններում, որտեղ կարող էք տեսնել, թէ ինչքան օտարերկրացիներ կան: Ըստ վիճակագրական կանոնների` դա պէտք է գրանցուի որպէս արտահանում: Այսպիսով, այս տարուայ ընթացքում մենք կարող ենք տեսնել Հայաստանից արտահանման անհաւանական աճ, ինչը, բնականաբար, բերում է ազգային արժոյթի արժեւորման», ըսաւ Գալստեան:
Ըստ Կեդրոնական դրամատան նախագահին` հիմա հանրութեան մէկ հատուածէն, յատկապէս արտահանողներէն Կեդրոնական դրամատան ուղղուած կոչ կը հնչէ` արհեստականօրէն արժեզրկելու հայկական դրամը, միջամտելու եւ արժեզրկելու հայկական դրամը, ինչ որ, հաւանաբար, պէտք է օգնէ հայ արտահանողներուն` ըլլալու աւելի արդիւնաւէտ, մրցունակ: Այսպիսով, Կեդրոնական դրամատան նախագահը հարց կը բարձրացնէ, թէ արդեօք դրամի 5-10 տոկոսով արժեւորումէ՞ն կախուած է արտահանողներու արդիւնաւէտ ըլլալ-չըլալը:
«Իմ պատկերացմամբ` դա լուծում չէ: Լուծումը եզակի, ունիկալ լինելն է: Եթէ մենք ուզում ենք լինել եզակի, կան բազմաթիւ բաներ, որոնք մենք կարող ենք միասին անել: Բայց ես յոյս չէի դնի միայն արհեստականօրէն արժեզրկման վրայ», ըսաւ Գալստեան:
