0.09c
Երեվան
երկ, դկտ 30
Երկարատեւ եւ ծանր հիւանդութենէ ետք 67 տարեկանին կեանքէն հեռացած է բանասէր, գրականագէտ Սերժ Սրապիոնեան:
Ասոր մասին «Արեւելք» տեղեկացաւ համացանցէն։
Ստորեւ հակիրճ տողերու մէջ կը ներկայացնենք հանգուցեալի կենսագրական գիծերը։
Սերժ Գագիկի Սրապիոնեան ծնած է 6 Ապրիլ, 1957-ին ։
1977-1983 թ.թ. - Ուսումը ստացած եւ աւարտած է Երեւանի պետական համալսարանի հայ բանասիրութեան բաժանմունքը։
1983-1986 թթ. - Աւարտած է Երեւանի պետական համալսարանի հայ բանասիրութեան բաժանմունքի նախաւարտական ուսումնասիրութիւնը: բանասիրական գիտութիւններու թեկնածու (1989)։
1973-1974 թթ. - Աշխատած է «Հայջրնախագիծ» հիմնարկի թիւ 1 հողաշինարարական ընկերութեան մէջ որպէս բանուոր։
1974-1975 թթ. – Աշխատած է Հոկտեմբերեանի շրջանի Եղեգնուտ սովխոզին մէջ որպէս բանուոր։
1975-1977 թթ. - Ծառայած է Խորհրդային բանակին մէջ։
1987-2013 թթ. - ԵՊՀ Հայ գրականութեան պատմութեան ամպիոնի դասախօս։
28 սեպտեմբեր 2013-ին ՀՀ վարչապետի որոշումով նշանակուած է Հայաստանի Հանրապետութեան սփիւռքի նախարարի տեղակալ եւ 16 մայիս 2018-ին հրաժարած:
