-3.91c
Երեվան
երկ, փտր 02
Հռոմի Սրբազան Քահանայապետի բարձր տնօրինութեամբ Կաթողիկէ Եկեղեցին պիտի օժտուի երկու նոր երանելիներով։
Ստորեւ այդ բարի լուրին մասին «Ռատիօ Վատիկան»ի հրապարակած լուրը՝
Օրերս Լեւոն ԺԴ.․ Սրբազան Պապը՝ ընդունելով Սուրբերու Դատի Վերատեսչութեան Վերատեսուչ Կարդինալ Մարչելլօ Սեմերարոն, արտօնեց հրատարակել Աստուծոյ Ծառայ Աուկուսթօ Ռաֆայէլ Ռամիրէզ Մոնասթերիոյի նահատակութեան եւ Աստուծոյ Աղախին Մարիա Ինյացիա Իզաքքիի բարեխօսութեան վերագրուող հրաշքներու վերաբերեալ հրամանագիրերը, որոնցով Եկեղեցւոյ այս երկու Աստուծոյ Ծառաները պիտի Երանելի հռչակուին։
Պապը միաժամանակ արտօնած է հրատարակել նաեւ աշխարհական Ներինօ Քոպիանքիի ու կրօնաւորուհիներ Քրոչիֆիսսա Միլիթէրնիի, Մարիա Ճիզելտա Վիլելայի ու Մարիա Թէքլա Անթոնիա Ռելուչենթիի հերոսական առաքինութիւններու մասին հրամանագիրները, այդպիսով այսօրուընէ սկիզբ տալով սրբադասման դատի գործընթացին։
Կենսագրական տուեալներ
Աստուծոյ Աղախին Մարիա Ինյացիա Իսաքքի, աւազանի անունով՝ Անճէլա Կաթերինա (Maria Ignazia Isacchi, al secolo: Angela Caterina) - Ազոլայի Յիսուսի Սուրբ Սիրտ միաբանութեան հիմնադիր, ծնած է՝ 8 Մայիս 1857ին, Սթեցանօ (Իտալիա), մահացած՝ 19 Օգոստոս 1934ին, Սէրիաթէ (Իտալիա)։
Աստուծոյ Ծառայ Աուկուսթօ Ռաֆայէլ Ռամիրէզ Մոնասթերիօ (Augusto Rafael Ramírez Monasterio), Ֆրանչեսկեան Կրտսեր Եղբայրներ Միաբանութեան հայր, ծնած՝ 5 Նոյեմբեր 1937ին, Կուաթեմալա քաղաք (Կուաթեմալա), հոն իսկ նահատակուած՝ հաւատքի հանդէպ ատելութեան համար, 7 Նոյեմբեր 1983ին։
Աստուծոյ Աղախին Մարիա Թէքլա Անթոնիա Ռելուչենթի (Maria Tecla Antonia Relucenti), Անարատ Յղութեան Բարեպաշտ Աշխատաւորուհիներու Միաբանութեան համահիմնադիր, ծնած՝ 23 Սեպտեմբեր 1704ին, Ասքոլի Փիչենօ (Իտալիա), հոն իսկ մահացած՝ 11 Յուլիս 1769ին
Քրոչիֆիսսա Միլիթէրնի, աւազանի անունով՝ Թերէզա (Crocifissa Militerni, al secolo: Teresa), Սուրբ Յովհաննէս Մկրտիչ Միաբանութեան կրօնաւորուհի, ծնած՝ 24 Դեկտեմբեր 1874ին, Չեթրարօ (Իտալիա), հոն իսկ մահացած՝ 25 Մարտ 1925ին։
Մարիա Իմմաքոլաթա Սանթիսիմա տի Թրինիթա, աւազանի անունով՝Ճիզելտա Վիլելա (Maria Immacolata della Santissima Trinità, al secolo: Maria Giselda Villela), Պուսու Ալեկրէյի Քարմելոյի Սուրբ Ընտանիք Միաբանութեան հիմնադիր, ծնած՝ 12 Յունուար 1909ին, Մարիա տա Ֆէ (Պրազիլ), մահացած՝ 20 Յունուար 1988ին, Պուսու Ալեկրէ (Պրազիլ)։
Ներինօ Քոպիանքի (Nerino Cobianchi), հաւատացեալ աշխարհական եւ ընտանիքի հայր, ծնած՝ 25 Յունիս 1945ին, Վելեցցօ Լոմելլինա (Իտալիա), մահացած՝ 3 Յունուար 1998ին, Չիլավէնիա (Իտալիա)։
