-3.91c
Երեվան
հնգ, հնվ 01
Իրանի ուժանիւթի նախարար Ալի Աքպար Մեհրապիանը յայտարարած է, որ Իրանը եւ Ռուսիան ելեկտրական ուժանիւթ պիտի փոխանակեն Հայաստանի, Վրաստանի, Ատրպէյճանի տարածքներով։
Ինչպէս նշած է mehrnews.com կայքը, Ալի Աքպար Մեհրապիանն այս մասին ըսած է ISNA գործակալութեան տուած հարցազրոյցին:
«Ռուսիոյ հետ ելեկտրական ուժանիւթ փոխանակելու համար մենք հետեւած ենք Ատրպէյճան, ինչպէս նաեւ Հայաստան-Վրաստան երկու երթուղիներուն, եւ կը գտնուինք վերջնական բանակցութիւններու եւ իրականացման փուլի մէջ»,- ըսած է ան։
Իրանի ուժանիւթի նախարարը աւելցուցած է, որ Իրանը կը ձգտի հարեւաններէն որոշներու հետ ելեկտրական ուժանիւթ փոխանակել առանց վճարման։
«Շուտով մենք պիտի սկսինք Ռուսիոյ հետ Ատրպէյճանի տարածքով ելեկտրական ուժանիւթի փոխանակումը, օրակարգի վրայ է նաեւ Հայաստանի եւ Վրաստանի տարածքով ռուսական ելեկտրացանցին միանալը»,- եզրափակած է ան։
