12.09c
Երեվան
ուրբ, մրտ 14
Իրաք- («Շարըք Ալ Աուսաթ»- Լոնտոն) Արաբատառ «Շարըք Ալ Աուսաթ» կը գրէ, թէ Իրան նպատակ ունի ՝ Քէրքուք եւ Մուսէլ քաղաքներուն վրայ տիրապետութիւն հաստատելու ծրագիր մը: Ըստ աղբիւրին ծրագիրը սկիզբ կ'առնէ Թոզխորմաթոյի շրջանի գրաւումով, որ կը գտնուի Քէրքուքի հարաւը: Ան կը մատնանշէ նաեւ, որ քրտական Բէշմարքայի ուժերու կողմէ օրեր առաջ իրականցուած Սընժարի գրաւումը Իրանի առջեւ ճանապարհը կը փակէ: Նոյն աղբիւրը կը տեղեկացնէ այն մասին, թէ Քիւրտիստան-Իրանեան Ազատութիւն կուսակցութեան ռազմական թեւի պատասխանատու՝ Հիւսայն Եազտան Պաննա հաղորդած է, թէ իրանեան յեղափոխական պահակախումբին ենթակայ՝ «Երուսաղէմի Փաղանգ»ի ղեկավարներ եւ սպաներ անձամբ կը վերահսկեն Թոզխորմաթոյի մէջ կատարուող գործողութիւնները , որ կ'իրականցուի շիհիթ միլիցներու կողմէ, քիւրտ քաղաքացիներու դէմ: Աղբիւրը նոյնպէս կը յայտնէ, թէ քիւրտերու եւ շիիթ ազգային խառնամբոխի միլիցեաներու միջեւ զգալի լարուածութիւն ապրող Շրջանին մէջ գտնուող շէնքերւ տանիքներուն վրայ «Երուսաղէմի Փաղանգ»ը 23 իրանցի դիպուկահարներ տարածած է: Պաննա նաեւ կը հաղորդէ, որ անցեալ Ուրբաթ օր երկու մեծ սպաներու հետ միասին Շրջան ժամանած է Աղա Իքպալի անունով ղեկավարը ղեկավարելու համար Թոզխորմաթոյի մէջ կատարուող գործողութիւնները:
