6.51c
Երեվան
երք, մրտ 25
Օրերս Հալէպի ՀՀ գլխաւոր հիւպատոս Արա Աւետիսեան այցելած է Հալէպի ՌԱԿ-ի կեդրոն, ծանօթացած կազմակերպութեան գործունէութեան, ինչպէս նաեւ ՌԱԿ-ի վերակառուցուող շէնքի աշխատանքներուն։
Այս մասին «Արեւելք» տեղեկացաւ Հալէպի ՀՀ Հիւպատոսութեան էջէն։
Ստորեւ տրուած հաղորագրութիւնը։
Հալէպի մէջ ՀՀ գլխաւոր հիւպատոս Արա Աւետիսեան ս.թ. 6 մարտին այցելեց Հալէպի մէջ «Ռամկավար Ազատական կուսակցութեան» կեդրոնատեղին: Ան հանդիպում ունեցաւ կառոյցի ղեկավարներուն հետ, ծանօթացաւ կազմակերպութեան գործունէութեան, ծանօթացաւ ՌԱԿ-ի վերակառուցուող շէնքի աշխատանքներուն / որ քանդուած էր պատերազմի ժամանակ ռմբակոծումի հետեւանքով /:
Հալէպի մէջ ՀՀ գլխաւոր հիւպատոսը իր գոհունակութիւնը յայտնեց եւ բարձր գնահատեց ՌԱԿ-ի բազմամեայ ազգանպաստ գործունէութիւնը եւ շնորհակալութիւն յայտնեց Հալէպի մէջ ՀՀ գլխաւոր հիւպատոսութեան շարունակական աջակցութիւն ցուցաբերելուն համար, յոյս յայտնելով, որ կուսակցութեան արգասաբեր աշխատանքը ապագային եւս կը շարունակուի:
Հանդիպումներուն ընթացքին քննարկուեցան իրականացուելիք ծրագիրները եւ փոխգործակցութեան կարելիութիւնները՝ ի նպաստ Հայաստան-Սփիւռք կապերու ամրապնդման:
