5.09c
Երեվան
ուրբ, նմբ 22
Պէյրութի «Ռաֆիք Հարիրի»ի անուան միջազգային օդակայանը կրնայ զրկուիլ քաղաքացիական թռիչքներ իրականցանող միջազգային ընկերութիւններու ծառայութիւններէն։
Այս մասին այսօր գրած է «Ալ Ախպար» պարբերականը նշելով, որ օդակայանը այդ ծանր իրավիճակին դէմ հանդիման կրնայ գտնուիլ կարգ մը նիւթական պարտաւորութիւններու թերացման հետեւանքով։
Կը նշուի նաեւ, որ այս առումով ցարդ վերջնական որոշում չէ կայացուած եւ միջազգային քաղաքացիական թռիչքներու յայտնի IATA կազմակերպութիւնը կը շարունակէ բանակցութիւններ վարել Լիբանանի պատկան մարմիններուն հետ։
Աղբիւրը ոչ մէկ տեղեկութիւն հաղորդած է լիբանանեան MEA (Middle East)ընկերութեան ճակատագրին մասին, որ կը համարուի դէպի Լիբանան եւ Լիբանանէն դուրս տասնեակ ուղղութիւններով թռիչքներ իրականացնող առաջատար ընկերութիւն։
Յիշեցնենք, որ MEA-ի շուրջ որոշ աղմուկ բարձրացած էր այն որոշումէն ետք, երբ ընկերութիւն վճռած էր իր տոմսակները լիբանանեան թղթոսկիի փոխարէն վաճառել ամերիկեան տոլարով։
