Արեվելք - Արևելք լրատուական

663
22/02/2023

«Ի վերջոյ մարմնի աւելորդ կշիռքը հիւանդութեան բոյն է».Դոկտ. Յակոբ Այնթէպլեան

Ամերիկահայ հասարարական գործիչ ՝ Դոկտ. Յակոբ Այնթապլեան կը գրէ՝

Տռզած փորերով ոստիկաններ , պարէտներ ,զինուորներ ,սպաներ եւ զօրավարներ ։

Հայաստանի ոստիկանութիւնն ու զինուժը որպէսզի մարտունակ եւ ֆիզիքապէս ատակ ըլլայ իր մարմնական կազմուածքը բնականոն վիճակի մէջ պէտք է պահէ եւ ցուցաբերէ ։

Որպէս 55 տարուան փորձառու սրտաբան բժիշկ եւ նախկին մարզիկ ,այդ չեմ տեսներ Հայաստանի ոստիկանութեան ու զինուորական

Ներկայացուցիչներուն մօտ ։Կրնամ անվարան ըսել որ վերոնշեալ պետական զինուժի եւ ոստիկանութեան 1/3-ը ունին զանազան աստիճանի տկռած փորեր ,որ իրենց պաշտօնի համար անյառիր է:

Վստահ եմ ,Երեւանի մէջ շրջագայող զանազան համազգեստներով ոստիկաններու եւ զինուորներու 1/3-ը եթէ 1000 մեթր հեռաւորութիւն վազեն շնչասպառ կամ կը կանգնին կամ ալ կը կքին ։

Պատասխանատու պետական կառոյցները պահանջատէր պէտք է ըլլան այս հանրութեան անվտանգութիւնը ապահովող եւ երկիրը պաշտպանող պետական պաշտպանողներէ որ տկռած փորերով իրենց պաշտօնը չեն կրնար յաջողութեամբ կատարել , ուստի 30%-ը այս

ազգապաշտպան զինուժը պէտք է նիհարնայ եւ վերացնէ 15-40 քիլօ կշիռքը , այսինքն ,մարմնի ճարպը պէտք է անհետացնէ ։

Պարզ է չէ ՞,եթէ այս վերեւ նշած անձիք մարզադաշտ տանիք եւ իրենց մարմնական կերպարանքը բաղդտատէք ոտնագունդ (Foot ball ) խաղացող խումբի մարզիկներու հետ ,կամ անոնց ընկերակցութեամբ դաշտի երկայնքը վազեն ,անմիջապէս կը հասկնաք թէ ինչ խղճալի վիճակի մէջ է Հայաստանի ոստիկանութիւնն ու զինուժը …

Անհրաժեշտ է հսկել եւ կարգապահութեամբ պարտադրել բոլոր ոստիկաններուն եւ զինուժի անդամներուն իրենց հասակի համեմատ նշուած կշիռքը պահել , որպէս զի ֆիզիքապէս կարենան եւ ատակ ըլլան պահանջուած հեռաւորութիւնը վազել առանց դժուարութեան ։

Ի վերջոյ մարմնի աւելորդ կշիռքը հիւանդութեան բոյն է ։

Դոկտ. Յակոբ Այնթապլեան