15.09c
Երեվան
ուրբ, մյս 08
ՀՀ վիճակագրական կոմիտէի տուեալներով՝ 2020 թուականին Հայաստան այցելած է 375 216 զբօսաշրջիկ՝ նախորդ տարուան համեմատ նուազելով 80,2% - ով (2019թ.՝ 1 894 377): Նոյն թուականին երկրէն հանգիստի մեկնած է 346 093 զբօսաշրջիկ, որ նախորդ տարուան համեմատ նուազած է 81,5% - ով (2019թ.՝ 1 867 888): Ներգնայ զբօսաշրջութեան վերաբերեալ տուեալներ ներկայացուած չեն:
Անհրաժեշտ է յիշեցնել, որ վերոնշեալ ցուցանիշերը կազմուած են 2020 թուականի Յունուար – մարտ եւ Սեպտեմբեր – Դեկտեմբեր ամիսներու համար, քանի որ Ապրիլէն – Յունիս եւ Յուլիս – Օգոստոս ինկած ժամանակահատուածին ընդհանուր լոքտաունի պայմաններուն մէջ Հայաստան ժամանում եւ այստեղէն մեկնում տեղի չէ ունեցած:
Արդէն 2021 թուականի Յունուար – Մարտ ամիսներուն Հայաստան ժամանած է 86 524 զբօսաշրջիկ, որ նախորդ տարուան նոյն ժամանակահատուածի համեմատ նուազած է 79,1% - ով (2020թ. Յունուար – Մարտին՝ 307 530): Նոյն ժամանակահատուածին Հայաստանէն մեկնած է 44 574 զբօսաշրջիկ, որ նախորդ տարուան նոյն ժամանակահատուածի համեմատ նուազած է 83,8% - ով (2020թ. Յունուար – Մարտին՝ 274 435):
2021 թուականի Յունուար – Մարտ ամիսներուն Հայաստան ժամանած զբօսաշրջիկներու 48,4% -ը բաժին ինկած է ԱՊՀ երկրներուն, որմէ 37,9%-ը՝ Ռուսաստանին, 9,6% - ը՝ ԵՄ երկիրներուն (4,5% ՝ Ֆրանսա, 2%՝ Իտալիա), 42%՝ այլ երկիրներուն, որմէ՝ 18,7%-ը՝ Իրանի Իսլամական Հանրապետութեան, 6,3%-ը՝ Միացեալ Նահանգներուն եւ 2,8%-ը՝ Վրաստանին:.jpg)
Ըստ այցելութեան նպատակի ժամանողները բաշխուած են հետեւեալ կերպ՝ գործնական՝ 35,1%, հանգիստի՝ 26,3%, կրթութեան՝ 0,4%, բուժման՝ 1,1%, այլ՝ 37,1%: Միաժամանակ, ըստ այցելութեան նպատակի մեկնողները բաշխուած են հետեւեալ կերպ՝ գործնական՝ 41,1% եւ հանգիստի՝ 58,9%:
Ուշագրաւ է, որ վերջին շրջանին զբօսաշրջիկներու ներհոսքը Հայաստան պայմանաւորուած է նաեւ այսպէս կոչուած «բուժման» նպատակով, յատկապէս խօսքը Իրանէն եկող զբօսաշրջիկներու մասին է, որոնք կը ժամանեն Հայաստան «Քորոնա» ժահրի դէմ պատուաստանիւթ ստանալու համար: Ներկայիս ՀՀ առողջապահութեան նախարարութեան եւ Երեւանի քաղաքապետարանի համագործակցութեան շրջածիրէն ներս մայրաքաղաքին մէջ տեղակայուած են շարժական բուժկէտեր, ուր ՀՀ քաղաքացիները եւ օտարերկրացիները անցնելով բժշկական համապատասխան հետազօտութիւններ, կրնան տեղւոյն վրայ պատուաստուիլ:
2021 թուականի առաջին եռամեսակի ընթացքին ամենամեծ թիւով զբօսաշրջիկներ ժամանած են օդային ճանապարհով՝ 65 505 մարդ: Ցամաքային ճանապարհով Հայաստան ժամանած է 21 019 մարդ, որոնցմէ՝ «Զուարթնոց» օդակայանով՝ 59 123, Բագրատաշէնի անցակէտով՝ 8 773, Գիւմրիի օդակայանով՝ 5 271, Մեղրիի անցակէտով՝ 6 939, Բաւրայի անցակէտով՝ 4 376 եւ այլն:
