• 128
• 19/08/2025

Հայաստանի արհեստները ներկայացուած են Սոֆիայի լուսանկարներու բացօթեայ ցուցահանդէսին

Եւրոպա­յի ոչ-նիւ­թա­կան մշա­կու­թա­յին ժա­ռան­գութեան տա­րածաշրջա­նային կեդ­րո­նի նա­խաձեռ­նութեամբ, Պուլկա­րիոյ մայ­րա­քաղաք Սո­ֆիայի մէջ, Յու­լի­սի եր­րորդ շաբ­թուան ըն­թացքին տե­ղի ու­նե­ցած է ԻՒ­ՆԷՍՔՕ-ի հո­վանա­ւորու­թեամբ գոր­ծող «Հա­րաւա­րեւե­լեան Եւ­րո­պայի կեն­սունակ ար­հեստնե­րը» խո­րագ­րեալ լու­սանկար­նե­րու բա­ցօթեայ ցու­ցա­հան­դէ­սը, ուր ներ­կա­յացուած են նաեւ Հա­յաս­տա­նի ար­հեստնե­րը, յատ­կա­պէս գոր­գագոր­ծութիւ­նը, դարբնու­թիւնը, խաչ­քա­րագոր­ծութիւ­նը, բուրդի մշա­կու­մը։

Սոյն ցու­ցա­հան­դէ­սին Հա­յաս­տա­նի մաս­նակ­ցութիւնը ապա­հո­ված են Կրթու­թեան, գի­տու­թեան, մշա­կոյ­թի ու մար­զանքի նա­խարա­րու­թիւնը, «Յով­հաննէս Շա­րամ­բէեան» եւ Հա­յոց ազ­գա­գրու­թեան թան­գա­րան­նե­րը, ինչպէս նաեւ «Տէ­րեան» մշա­կու­թա­յին կեդ­րո­նը։

Ցու­ցա­հան­դէ­սին ներ­կա­յացուած լու­սանկար­նե­րը խօ­սուն վկան եղած են Հա­րաւարեւելեան Եւ­րո­պայի ոչ-նիւ­թա­կան մշա­կու­թա­յին ժա­ռան­գութեան տա­րածաշրջա­նային կեդ­րո­նին ան­դա­մակ­ցող 17 պե­տու­թիւննե­րու 14 ար­հեստնե­րուն։

Ցու­ցադրու­թեան նպա­տակը եղած է բա­ցայայ­տել տա­րածաշրջա­նի ժո­ղովուրդնե­րու մշա­կու­թա­յին ժա­ռան­գութեան խոր կա­պերը, ինչպէս նաեւ ընդգծել ար­հեստնե­րու դե­րը ըն­կե­րային հա­մերաշ­խութեան եւ մար­դու ստեղ­ծա­գոր­ծա­կան նե­րու­ժի զար­գացման մէջ։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել