22.65c
Երեվան
ուրբ, հնս 19
Շուկայի վերահսկողութեան տեսչական մարմինը յայտարարութիւն տարածած է՝ յայտնելով, որ 2022 թուականի Յունուար 1-էն ուժի մէջ մտած է «Ծխախոտային արտադրատեսակներու եւ անոնց փոխարինիչներու օգտագործման հետեւանքով առողջութեան հասցվող վնասի նուազեցման եւ կանխարգիլման մասին» օրէնքը:
Օրէնքին համաձայն՝ կ'արգիլուի ծխախոտային արտադրատեսակներու կամ անոնց պատկանելիքներու կամ ծխախոտային արտադրատեսակներու փոխարինիչներու ցուցադրումը վաճառասրահներու եւ հանրային սնունդի կէտերուն մէջ:
Օրէնքի պահանջները չկատարելը կը յառաջացնէ տուգանքի նշանակում՝ 200 - 250 հազար դրամի չափով:
Նոյն խախտումը կրկին կատարելը վարչական տուժի միջոցներ կիրառելէ յետոյ՝ վեց ամսուայ ընթացքին, կը յառաջացնէ տուգանքի նշանակում՝ կիրառուած վարչական տուժի կրկնապատիկի չափով:
