11.09c
Երեվան
ուրբ, մրտ 20
Նշենք, որ սոյն հանգամանաւոր համաժողովին տասնեակ գործիչներու կողքին իր ներկայութիւնը բերած է Սուրիոյ Հայ Աւետարանական Եկեղեցւոյ պետ՝ համայնքապետ՝ Վեր. Դոկտ. Յարութիւն Սելիմեան եւ ստորեւ «Արեւելք»ի ընթերցողներուն կը ներկայացնենք այդ առթիւ հրապարակուած եռօրեայ ժողովին առաջին օրուան լրատւութիւնը։
Ժամանակները փոխուած են՝ արագ, անկանխատեսելի եւ երբեմն ալ մտահոգիչ կերպով։ Աշխարհը կը կանգնի նոր մարտահրաւէրներու առջեւ, ուր հին մօտեցումները այլեւս չեն բաւեր, իսկ առաջնորդութիւնը կը դառնայ ոչ միայն պաշտօն, այլ՝ պատասխանատուութիւն եւ տեսլական։ Այս իրադրութեան մէջ է, որ Geneva Institute of Leadership and Public Policy-ի համաժողովը կը հաւաքէ տարբեր երկիրներէ եկած ձայներ՝ միասին խորհելու, քննարկելու եւ նոր ուղիներ որոնելու՝ արդի աշխարհի բարդութիւններուն դիմաց։
Ժընեւի սրտին մէջ, Centre International de Conférences Genève-ի պատերուն ներս, առաջին օրուան ընթացքը կը բացուի ոչ միայն որպէս հերթական գիտաժողով, այլ՝ որպէս մտքի եւ պատասխանատուութեան հանդիպում մը, ուր գաղափարները կը բախին, հարցերը կը սրին, եւ ապագայի առաջնորդութեան ուրվագիծերը կը ձեւաւորուին։
Նշենք, որ սոյն հանգամանաւոր համաժողովին տասնեակ գործիչներու կողքին իր ներկայութիւնը բերած է Սուրիոյ Հայ Աւետարանական Եկեղոցւոյ պետ՝ համայնքապետ Վեր. Դոկտ. Յարութիւն Սելիմեան եւ ստորեւ «Արեւելքի» ընթերցողներուն կը ներկայացնենք այդ առթիւ հրապարակուած եռօրեայ ժողովին առաջին օրուան լրատւութիւնը։
Ժընեւի սրտին մէջ, Centre International de Conférences Genève-ի պատերուն ներս, առաջին օրուան ընթացքը կը բացուի ոչ միայն որպէս հերթական գիտաժողով, այլ՝ որպէս մտքի եւ պատասխանատուութեան հանդիպում մը, ուր գաղափարները կը բախին, հարցերը կը սրին, եւ ապագայի առաջնորդութեան ուրվագիծերը կը ձեւաւորուին։
GILPP ՀԱՄԱԺՈՂՈՎ – Առաջին Օր
Ժընեւի CICG կեդրոնին մէջ մեկնարկը տրուեցաւ Ժընեւի Հանրային Քաղաքականութեան եւ Առաջնորդութեան Հիմնարկի (GILPP) համաժողովի առաջին օրը՝ համախմբելով տարբեր երկիրներէ առաջնորդներ եւ մասնագէտներ՝ ժամանակակից աշխարհի փոփոխական պայմաններուն մէջ առաջնորդութեան շուրջ խորհրդածելու համար։
Օրուան բացումը կատարուեցաւ Սլովաքիոյ նախկին վարչապետ Էտուարդ Հէքըրի խօսքով, ապա Դոկտ. Հենրի Լ. Տինըն ներկայացուց համաժողովի ընդհանուր տեսլականը՝ հրաւիրելով մասնակիցները անդրադառնալու իրենց դերակատարութեան՝ որպէս փոփոխութիւն բերող առաջնորդներ։
Առաւօտեան նիստերուն ընթացքին արծարծուեցան հանրային ոլորտի առաջնորդութեան մարտահրաւէրները եւ դիւանագիտութեան դերը։ Իշխան Նիքոլաուս Լիխտընշթայն իր ներկայացումով բարձրացուց հիմնարար հարց մը՝ արդեօք դիւանագիտութիւնը տակաւին կենսունակ եւ ազդու գործիք մըն է արդի աշխարհին մէջ։
Կէսօրուան նիստերուն մասնակիցները կատարեցին համագործակցական աշխատանքներ՝ Դոկտ. Տուգլաս Քարի առաջնորդութեամբ, մասնակցելով համաժողովի հիմնական թեմաներուն շուրջ «White Paper»-ի մշակման գործընթացին։
Սուրիոյ Հայ Աւետարանական Համայնքի Պետ Վեր. Դոկտ. Յարութիւն Սելիմեան ներկայ գտնուեցաւ նիստերուն եւ քննարկումներուն՝ իր մասնակցութիւնը բերելով առաջնորդութեան, պատասխանատուութեան եւ համաշխարհային մարտահրաւէրներուն շուրջ ընթացող խորհրդածութիւններուն։
