20.09c
Երեվան
երք, սպտ 01
ՀՀ Քննչական կոմիտէի Սիւնիքի մարզային քննչական վարչութեան մէջ իրականացուած քննչական եւ դատավարական այլ գործողութիւններու արդիւնքով պարզուած են կնոջ կողմէ ամուսինին նկատմամբ սպանութեան փորձ կատարելու դէպքի հանգամանքները:
Քննութեամբ ձեռք բերուած փաստական տուեալներու համաձայն, Գորիս քաղաքի 30-ամեայ բնակչուհին, տեղեակ ըլլալով ամուսինին արտամուսնական կապի մասին, 2021-ի Օգոստոս 25-ին` ժամը 14:00-ի սահմաններուն, ամուսնուն ապօրինաբար կեանքէն զրկելու դիտաւորութեամբ, տունէն վերցնելով պենզինով լեցուած շիշ եւ լուցկի, գացած է Գորիս քաղաքի Արցախեան խճուղին մէջ գործող սնունդի կէտ, ուր աշխատած է ամուսինին ընկերուհին:
Այնտեղ հանդիպած է վերջինիս ու ամուսինին, անոնց միջեւ անձնական հարցերու շուրջ վիճաբանութիւն ծագած է, որու ընթացքին կինը դիւրավառ հեղուկը լեցուցած է ամուսինին վրայ եւ հրկիզած, սակայն իր կամքէն անկախ հանգամանքներով յանցագործութիւնը աւարտին չէ հասցուցած քանի որ տղամարդը վազած է յարակից ինքնաշարժի լուացման կէտ, ուր ջուրի միջոցով մարած են կրակը, ապա տեղափոխած են բժշկական կեդրոն:
Ձեռք բերուած բաւարար ապացոյցներու համակցութեամբ` կնոջ մեղադրանք առաջադրուած է` ՀՀ Քրէական օրէնսգիրքի 34-104-րդ յօդուածի 1-ին մասով: Անոր նկատմամբ որպէս խափանման միջոց ընտրուած է չհեռանալու մասին ստորագրութիւնը:
Նախաքննութիւնը աւարտած է, եւ քրէական գործը, մեղադրական եզրակացութիւնը հաստատելու եւ դատարան ուղարկելու միջնորդութեամբ, ուղարկուած է դատավարական հսկողութիւն իրականացնող դատախազին:
