image
Հրատապ լուրեր:

Գերշ. Տ. Նարեկ եպս. Պէրպէրեան ընդունած է Կիպրոսի դեսպան՝ Լորտ Վասիլիոս Ֆիլիփուն

Գերշ. Տ. Նարեկ եպս. Պէրպէրեան ընդունած է Կիպրոսի դեսպան՝ Լորտ Վասիլիոս Ֆիլիփուն

Հայց. Առաքելական Եկեղեցւոյ Պրազիլիոյ Թեմի Առաջնորդ Գերշ. Տ. Նարեկ եպս. Պէրպէրեան կը շարունակէ կատարել իր ազգաշէն ու եկեղեցանուէր գործունէութիւնը Պրազիլիոյ հայկական գաղութէն ներս։

Վերջերս,  Սրբազան  հայրը  Առաջնորդարանին մէջ ընդունած է Պրազիլիոյ մէջ Կիպրոսի դեսպան՝ Լորտ Վասիլիոս Ֆիլիփուն, եւ հանդիպման մանրամասնութիւնները «Արեւելք»ի հարթակով թարգմանաբար  կը ներկայացնենք ստորեւ՝

 

Պրազիլիոյ Հայ Առաքելական Եկեղեցւոյ Թեմի Առաջնորդ՝ Գերշ. Տ. Նարեկ եպս. Պէրպէրեան, Հինգշաբթի 22 Փետրուարին Առաջնորդարանին մէջ ընդունեց Պրազիլիոյ Կիպրոսի դեսպան՝ Լորտ Վասիլիոս Ֆիլիփուն: Գերշ. Տ. Նարեկ Սրբազանը հաղորդած է, թէ դեսպանը մեծ հետաքրքրութիւն ցուցաբերած է հայկական զանազան հարցերու շուրջ՝ Հայ Եկեղեցւոյ եւ հայ ժողովուրդին, որպէս առաջին Քրիստոնեայ ժողովուրդ, Հայաստանի եւ Արցախի ներկայ քաղաքական եւ ընկերային հարցերուն եւ ի լրումն շարք մը երկիրներու, որոնց հերթին՝ Պրազիլիոյ կողմէ Հայոց ցեղասպանութեան ճանաչման մասին։ Ան լայնօրէն անդրադարձած է նաեւ Սան Փաուլոյի հայ համայնքին մասին։ Ան հիացած է նաեւ հայկական վարժարանով եւ շնորհաւորած Թեմի գործունէութիւնն ու ջանքերը։ Այցի աւարտին, դեսպան Վասիլիոս Ֆիլիփուն Նարեկ Սրբազանին նուիրած է Փարափաս առաքեալի կերպարը, իսկ Նարեկ եպիսկոպոսը Պէրպէրեանը անոր նուիրած է հայկական խաչ եւ հայատառ Աստուածաշունչ մատեան։