28.09c
Երեվան
ուրբ, սպտ 06
Յատկապէս Մերձաւոր Արեւելեան կտրուածքով բարեսիրական կարեւոր գործունէութիւն ծաւալով «Գարակէօզեան հիմնարկ»ի պատուիրակութիւն մը այցելութիւն տուած է Մեծի Տանն Կիլիկիոյ Կաթողիկոսարան եւ ընդունուած Գահակալ Ն.Ս.Օ.Տ.Տ Արամ Ա. Կաթողիկոսին կողմէ։
Ստորեւ այդ մասին համացանցի վրայ երեւցած լրատւութիւնը։
Ուրբաթ, 12 Յուլիս 2024-ին, Լիբանանի Գարակէօզեան Հաստատութեան տնօրէն Սերոբ Օհանեան եւ Ռաքէլ Քէչէճեան ու Ժանին Դանիէլեան-Մարգարեան այցելեցին Ն.Ս.Օ.Տ.Տ. Արամ Ա. Վեհափառ Հայրապետին՝ ստանալու համար անոր հայրական օրհնութիւնը։
Անոնք Վեհափառ Հայրապետին զեկուցեցին Գարակէօզեան հաստատութեան աշխատանքներուն եւ դիմագրաւած մարտահրաւէրներու մասին: Հանդիպումը առիթ եղաւ նաեւ անդրադառնալու մեր ժողովուրդին դիմագրաւած բժշկական, ընկերային եւ մտային առողջութեան վերաբերող խնդիրներն ու մարտահրաւէրները։
Այս առիթով, Նորին Սրբութիւնը բարձրօրէն գնահատեց Գարակէօզեան Հաստատութեան մեր ժողովուրդին մատուցած ծառայութիւնները եւ անձնակազմին մաղթեց աննկուն կամքով շարունակել իր առաքելութիւնն ու ծառայութիւնը։
