20.09c
Երեվան
կրկ, ապր 28
Սէուտական Արաբիան սկսած է «ռազմավարական ծրագրի» մը իրականացման, որու նպատակն է Թուրքիոյ նախագահ Ռեճեպ Թայիպ Էրտողանին թուլացնել եւ ապա պաշտօնազուրկ ընել: Այս մասին կը գրէ Middle East Eye, յղում ընելով իր տրամադրութեան տակ յայտնուած գաղտնի զեկոյցի մը։ Ծրագիրը մշակուած է սէուտցի ընդդիմադիր լրագրող Ժամալ Խաշոգճիի Պոլսոյ մէջ սպանութենէն ետք:
Զեկոյցին մէջ նշուած է թէ Խաշըգճիի սպանութիւնը միջազգայնացնելու մէջ, մեծ դեր խաղացած է Թուրքիան, որ «չափազանց հեռու երթալով» նոյնիսկ ամբաստանած է Պըն Սալման, սպանութիւնը կազմակերպելու մէջ։
Այդ փուլէն ետք է, որ Ռիատ յանգած այն որոշման, որ ժամանակն է «ուժեղացնել պատասխան հարուածը» եւ թուլացնել Էրտողանի ազդեցութիւնը: Ծրագրին համաձայն՝ Սէուտական Արաբիան մտադիր է առաջին հերթին դադրեցնել իր ներդրումները թրքական տնտեսութեան մէջ, կրճատել երկրի զբօսաշրջային հոսքերը եւ Թուրքիայէն ներմուծման ծաւալները, իսկ գլխաւորապէս նուազեցնել իսլամական հարցերու մէջ Թուրքիոյ դերը:
Այսպիսով Էրտողան զբաղելով իր ներքին խնդիրներով, ճնշման տակ սխալներ գործելով, ի վերջոյ պիտի տապալի ընդդիմութեան կողմէ:
Պարբերականը նաեւ կը յաւելէ, որ այսօր Սէուտական Արաբիան արդէն իսկ սկսած է իր ծրագրի գործադրութեան արգելափակելով են թրքական 80 բեռնատարեր, որոնք կը փոխադրեն 300 պահեստատուփեր (գոնթէյնըր):
Նոյն առումով կը նշուի նաեւ, որ դէպի Թուրքիա Սէուտցի զբօսաշրջիկներու թիւը կրճատուած է:
Middle East Eye-ի համաձայն, Սէուտական Արաբիան իր յարաբերութիւնները խզած է Էրտողանի հետ եւ նոյնիսկ հրաւէր չէ ուղարկած Մեքքայի Իսլամական համագործակցութեան կազմակերպութեան գագաթնաժողովի մասնակցութեան:
Թուրքիոյ կառավարութիւնը տեղեակ այս բոլորէն, կը փորձէ Թագաւոր ՝ Սըլմանի հետ կարգաւորել յարաբերութիւնները, քննարկել հարցերը, վերջերս Թուրքիա հրաւիրելով թագաւորի ընտանիքը, ներառեալ արքայազնը Պըն Սալմանը:
