image

«Եթէ իւրաքանչիւրը Հայ Շէմլանի որբերու զոհողութեան ոգին ունենայ».Դոկտ. Արա Սանճեանի գրառումը

 «Եթէ իւրաքանչիւրը Հայ Շէմլանի որբերու զոհողութեան ոգին ունենայ».Դոկտ. Արա  Սանճեանի  գրառումը

«Եթէ իւրաքանչիւրը Հայ Շէմլանի որբերու զոհողութեան ոգին ունենայ, Բուժարանը շատ կարճ ժամանակի մէջ կրնայ կառուցուիլ Զուիցերիոյ բուժարաններու նման արդիկան ձեւով։

 Ամերիկահայ մտաւորական, համալսարանի դասախօս՝ Դոկտ. Արա Սանճեան կը գրէ՝ 

«Լիբանանի Շէմլան գիւղի մէջ հաստատուած Հայ-Անգլ. որբանոցի սաներ լսած ըլլալով, թէ Լիբանանի լեռներու բարձունքներուն վրայ Հայ Ազգային թոքախտանոց մը պիտի կառուցուի համեստ գումարով մը, իրարու հետ կը խորհրդակցին, թէ ինչ ձեւով կրնան իրենց մասնակցութիւնը բերել այդ բարեսիրական գործին. «Մենք դրամ չունինք, բայց մեր առօրեայ սնունդը կ’ստանանք հաստատութեան մէջ», կ’ըսեն ու ասոր համար իրենց մայրիկին կը դիմեն, խնդրելով որ մինչեւ որոշ ժամանակ մը իրենց տրուած միսը չի տրուի, այլ յատկացուի նոր կառուցանելի բուժարանին։ // [էջ 859]

«Այս գաղափարը ընդունուելով, գործադրութեան կը դրուի եւ մի քանի օր առաջ նոյն որբանոցի տնօրէնուհին Բուժարանի Վարչութեան կը յանձնէ 55 Ս[ուրիական] ոսկիի կլոր գումար մը։

«Եթէ իւրաքանչիւրը Հայ Շէմլանի որբերու զոհողութեան ոգին ունենայ, Բուժարանը շատ կարճ ժամանակի մէջ կրնայ կառուցուիլ Զուիցերիոյ բուժարաններու նման արդիական ձեւով։

«Որո՞նք պիտի հետեւին Շէմլանի որբերու օրինակին։

«Դրամական նուէրներ ղրկել հետեւեալ հասցէին.-

«Commité du Sanatorium Armén. Des Tuberculeux ee [sic!] Maméltain, Liban.» («Զոհողութեան ոգին», Հայաստանի Կոչնակ, ԼԵ. տարի, թիւ 36, Սեպտեմբեր 7, 1935, էջ 858-859)

 

Յ.Գ. Հայ Ազգային Բուժարանի նոր շէնքին պաշտօնական բացումը կատարուեցաւ 1938-ի Օգոստոսին։ Ան առ այսօր կը գործէ։ Կցած եմ այդ համալիրի լուսանկարը։

 

Յ.Գ. 2. Այդ ժամանակ Լիբանանի եւ Սուրիոյ ազգային տարադրամը մէկ էր։ Մէկ [թղթ]ոսկին համարժէք էր 20 ֆրանսական ֆրանքի