15.09c
Երեվան
երկ, հկտ 14
Իսրայէլի դեսպանը պիտի չվերադառնայ Թուրքիա, քանի դեռ երկրին մէջ իշխանութեան ղեկին Ռեճէպ Թայէպ Էրտողանն է, յայտարարած է Իսրայէլի արտաքին գործոց նախարար Էլի Քոհենը։
«Քանի դեռ Էրտողանը Թուրքիոյ մէջ իշխանութեան ղեկին է, մեր դեսպանը պիտի չվերադառնայ Անգարա»,- գրած է նախարարը X-ի էջին:
Ինչպէս բացատրած է Քոհենը, Իսրայէլի դեսպանը ետ կանչելը «ճիշդ» եւ «արդարացուած» որոշում էր:
Դեկտեմբեր 27-ին Էրտողանը Թուրքիոյ մայրաքաղաքին մէջ ելոյթի ժամանակ Իսրայէլի վարչապետ Բենիամին Նաթանիահուն համեմատած էր նացիստական Գերմանիոյ առաջնորդ Ատոլֆ Հիթլերի հետ։
«Նաթանիահուի գործողութիւնները կը տարբերի՞ն Հիթլերի գործողութիւններէն: Ան աւելի հարուստ է, քան Հիթլերը: Իսրայէլը աջակցութիւն կը ստանայ Արեւմուտքէն, բոլոր տեսակի աջակցութիւն կու գայ Ամերիկայէն»,-ըսած էր Էրտողան։
Նաթանիահուն ըսած է, որ Էրտողանը «վերջին անձն է, որ կրնայ բարոյական խրատ կարդալ մեզի»՝ երկրին մէջ քիւրտերու էթնիք զտումներու եւ լրագրողներու նկատմամբ հետապնդումներու լոյսին տակ:
