2.09c
Երեվան
երք, հնվ 28
«Երբ այս շրջապտոյտի ծրագիրը հիմնեցինք մեր առաջ երկընտրանքի խնդիր կար, մենք պէտք է ընտրէինք Պաքուն կամ Ղարաբաղը եւ մենք ընտրեցինք Ղարաբաղը» «Արեւելք»ին ըսաւ Աթիլա Պարէնի: Պարէնի, որ նախագահն է CAUCASIAN CHALLENGE անունը կրող շրջապտոյտներու նախաձեռնութեան նշեց, որ այս տարուան իրենց կատարած շրջապտոյտը արդէն 8-րդ է եւ շրջապտոյտին կը մասնակցին 20 ինքնաշարժներ:«2008–ին սկիզբ առած մեր շրջապտոյտին հիմնական գաղափարին մէջ կարեւոր դեր ունեցած է Պուտաբէշտ ապրող մեր հայ ընկերը եւ ան առաջարկեց հասնիլ մինչեւ լեռնային Ղարաբաղ» ըսաւ Պարէնի նշելով, որ Ղարաբաղը իր բնութեամբ հրաշալի վայր է: Հունգարացի ճանապարհորդը նաեւ նշեց, որ վերջին տարիներուն իրենց նախաձեռնած ճանապարհորդութիւնը քանիցս փոխած է հունը բայց եւ այնպէս շրջապտոյտին վերջին կայանը կը մնայ Լեռնային Ղարաբաղը»: Ան նշեց, որ իրենք նման ճանապարհորդութիւններ ըրած են նաեւ դէպի Հնդկաստան եւ կեդրոնական Ասիոյ այլ երկիրներ: Պարէնի բարձր գնահատեց Արցախցի ժողովուրդին հիւրասիրութիւնն ու բարի կամեցողութիւնը: ««Ժինկեալով հացը» իմ նախասիրած ուտելիքն է» ըսաւ ան շարունակելով, «որ Ղարաբաղի բոլոր ուտելիքներն ալ համադամ են»: Հունգար ճանապարհորդ՝ Աթիլա Պարէնի, 8-րդ անգամն է, որ այցելութիւն կու տայ Արցախ:
