27.54c
Երեվան
հնգ, հլս 09
«Burgery Angus & More» ճաշարանին մէջ թունաւորման դէպք արձանագրուած է:
«Վերջին շրջանում երեւանեան սննդի տարբեր կէտերում յաճախացել են թռչնամսի օգտագործմամբ պայմանաւորուած թունաւորման դէպքերը։ Նմանատիպ իրավիճակ է ստեղծուել նաև «Burgery Angus & More» ռեստորանում։
Մենք անվտանգ, որակեալ սննդի մատուցման եւ միայն թարմ ու բարձրորակ մթերքներ օգտագործելու ջատագովն ենք։ Մեր ռեստորանի հիւրերն ու մեր ծառայութիւններից օգտուողները գիտեն, որ բարձրորակ մթերքներով աշխատելը մեզ համար եղել է, կայ ու կը մնայ գերակայ սկզբունք։ Մենք աւելի քան շահագրգռուած ենք առաջինն իմանալու դէպքի պատճառն ու հանգամանքները։
Այս պահին սերտօրէն համագործակցում ենք Սննդամթերքի անվտանգութեան տեսչական մարմնի (ՍԱՏՄ) եւ Առողջապահութեան նախարարութեան Հիւանդութիւնների վերահսկման եւ կանխարգիլման ազգային կեդրոնի հետ՝ իրականացնելով լաբորատոր անհրաժեշտ փորձաքննութիւնները։ Համապատասխան փորձաքննութիւններ են անցկացվում նաեւ մեր՝ սննդի որակի վերահսկման լաբորատորիայում։
Ստուգումների արդիւնքներն արդէն յայտնի կը լինեն Նոյեմբերի 25-ին, եւ իմանալուն պէս՝ կը ներկայացնենք հանրութեանը։ Ստուգումներով պայմանաւորուած՝ «Burgery Angus & More» ռեստորանը ժամանակաւորապէս փակ է։
Մեր հիւրերի առողջութիւնն ու անվտանգութիւնը միշտ առաջնային են մեզ համար։ Մենք տուժած քաղաքացիների կողքին ենք եւ ցուցաբերում ենք անհրաժեշտ աջակցութիւն։
«Burgery Angus & More» ռեստորանի ամբողջ թիմի անունից բոլորին մաղթում ենք շուտափոյթ ապաքինում եւ քաջառողջութիւն», ըսուած է ճաշարանին տարածած յայտարարութեան մէջ:
