19.09c
Երեվան
ուրբ, հկտ 11
Օրերս Երեւանի մէջ իր մահկանացուն կնքած է արմատներով լիբանանահայ ՝ Վարուժան Սաչլեանը։
Սիրուած եւ նուիրեալ հայր, գաղութային շրջանակներու մէջ նոյնպէս յարգուած անձնաւորութիւն Վարուժան Սաչլեանը վայելած է իր շրջանակի խոր յարգանքն ու ակնածանքը։
Հանգուցեալը եղած է Պէյրութի, մասնաւորապէս Հնչակեան շրջանակներու սիրուած եւ յարգուած մէկ անդամը։
Հայրենիքի տեսիլքով ապրած ու գործած մեր հայրենակիցը, ըլլալով յաջողակ հաշուապահ, կարողացած է հանդիսանալ փնտռուած եւ վստահելի մասնագէտ, որուն մօտ ալ փութացած են հասնիլ թէ՛ հայ եւ թէ՛ ալ տեղացի յայտնի գործարարներ։
Հանգուցեալը նոյնպէս եղած է ժրաջան մէկ անդամը ՀՄՄ-ին, որուն մասին ալ ՀՄՄ Կեդրոն դիմատետրեան էջը ձօնած է հակիրճ մահագրական մը։
Կը ներկայացնենք այդ մահագրութիւնը, նշելով նաեւ, որ վերջին տարիներուն ան հաստատուած էր Հայաստանի մէջ։
Հ.Մ.Մ.ի Կեդրոնական Վարչութիւնը խոր կսկիծով կը գուժէ,միութեան Բարձր Գնահատանք շքանշանակիր , վաստակաշատ տարիներու Հ.Մ.Մ Պէրութի վարչութեան անդամ՝
ԸՆԿԵՐ ՎԱՐՈՒԺԱՆ ՍԱՉԼԵԱՆ-ի
մահը , որ պատահեցաւ Չորեքշաբթի 3 Յուլիս 2024-ին Էրեւան-ի մէջ Հայաստան։
Մեր խորին ցաւակցութիւնները կը յայտնենք իր Տիկնոջ Ընկհ. Անիին , զաւակներուն եւ Հ.Մ.Մ.ի մեծ ընտանիքին ։
Մեր յարգելի ընկերոջ յիշատակը անթառամ մնայ։
