16.09c
Երեվան
ուրբ, նմբ 22
Պնդումներն այն մասին, թէ Քրեմլին Հայաստանի մէջ պետական յեղաշրջում կը նախապատրաստէ, զառանցանք է, որ մեկնաբանութեան կարիք չունի։
News.ru-ի հետ զրոյցին յայտարարած է Ռուսիոյ Դաշնութեան Դաշնային խորհուրդի միջազգային կոմիտէի ղեկավար Կրիկորի Քարասին:
Անոր խօսքով՝ նման յայտարարութիւններ ընելէ եւ նման մեղադրանքներ հնչեցնելէ առաջ պէտք է իրական փաստեր ներկայացնել, որոնք կը հաստատեն տեղեկութիւնը:
«Ոչ խելացի քաղաքական գործիչներ ինչ որ երեւակայական նախագիծեր կը յօրինեն ու անոր մասին աշխարհով մէկ կը գոռան։ Նման յայտարարութիւնները կը տարածուին Ռուսիոյ նկատմամբ թշնամանք հրահրելու համար։ Այդ պէտք է անոնց, որոնք կը փորձեն լարել իրավիճակը եւ հասնիլ իրենց նպատակներուն»,-ըսած է Քարասին։
Նշենք, որ ընկերային հարթակներով լուրեր տարածուած էին, թէ Հայաստանի մէջ «Վակնէր» մասնաւոր ռազմական կազմակերպութենէն 3 հազար մարտիկ կը գտնուի, որոնք իբր թէ տեղւոյն ուժերու աջակցութեամբ պէտք է յեղաշրջում իրականացնեն եւ հեռացնեն վարչապետ Նիկոլ Փաշինեանը։
