3.09c
Երեվան
հնգ, փտր 12
Օրերս Լիբանանի մէջ ՀՀ նորանշանակ դեսպան Տիար Սարմէն Պաղտասարեան ընկերակցութեամբ իր տիկնոջ՝ Դալար Գազանճեան-Պաղտասարեանի այցելութիւն տուած է Մեծի Տանն Կիլիկիոյ Կաթողիկոսարան եւ ընդունուած Ն.Ս.Օ.Տ.Տ. Արամ Ա. Վեհափառ Հայրապետին կողմէ։
Ստորեւ «Արեւելք»ի ընթերցողներուն կը ներկայացնպենք այդ մասին հրապարակուած հաղորդագրութիւնը՝
Այսօր՝ Երեքշաբթի, 20 Յունուար 2026-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի Հանրապետութեան մօտ Հայաստանի Հանրապետութեան նորանշանակ դեսպան Սարմէն Պաղտասարեանը՝ ընտանիքին ընկերակցութեամբ։
Նորանշանակ դեսպանին առաջին այցելութիւնը ըլլալով՝ Վեհափառ Հայրապետը ընդհանուր կերպով խօսեցաւ Մեծի Տանն Կիլիկիոյ Կաթողիկոսութեան առաքելութեան, ինչպէս նաեւ Լիբանանի ներկայ կացութեան ու հայ համայնքին մասին: Նաեւ անդրադարձ կատարուեցաւ Հայաստան-Սփիւռք յարաբերութեան:
Աւարտին, Նորին Սրբութիւնը յաջողութիւն մաղթեց նորանշանակ դեսպանին՝ անոր ստանձնած նոր առաքելութեան մէջ։
