29.13c
Երեվան
չրք, օգս 12
Դեռ պարզ չէ՝ Ատրպէյճանն, ի վերջոյ, կը վերահաստատէ՞ երեք սկզբունքներու շուրջ խաղաղութեան պայմանագիր կնքել Հայաստանի հետ: Այս մասին ուղիղ եթերով ըսած է վարչապետ Նիկոլ Փաշինեանը՝ պատասխանելով քաղաքացիներու հարցերուն:
Վարչապետը յիշեցուցած է՝ այդ սկզբունքները համաձայնեցուած են բանակցութիւններու ընթացքին եւ այդ համաձայնեցումն արտայայտուած է մայիս 14-ին եւ յուլիս 15-ին եռակողմ հանդիպումներու արդիւնքներով։
Փաշինեանը նաեւ յիշեցուցած է սկզբունքները, համաձայն որոնց՝ Հայաստանն ու Ատրպէյճանը կը ճանչնան իրար տարածքային ամբողջականութիւնը, սահմանազատման գործընթացի քաղաքական հենքը Ալմաթիի հռչակագիրն է, տարածաշրջանային հաղորդակցութիւները պէտք է բացուին երկիրներու իրաւազօրութեան, ինքնիշխանութեան յարգմամբ՝ փոխադարձութեան եւ հաւասարութեան սկզբունքի հիման վրայ։
«Հիմա, չենք կարող վստահաբար պնդել, որ Ադրբեջանը հրաժարւում է այդ երեք սկզբունքների հիման վրայ խաղաղութեան պայմանագիր կնքել, բայց նաեւ չենք կարող վստահ ասել, որ Ադրբեջանը վերահաստատում է իր հաւատարմութիւնն այդ երեք սկզբունքներին, անհրաժեշտութիւն կայ բանակցութիւնների ընթացքում այս հարցերը եւ նրբութիւնները պարզաբանել»,-ըսած է Փաշինեան։
Գործադիրի ղեկավարը եւս յաստատեցուցած է, որ նոյեմբեր 30-ին քարտէզներու եւ սահմաններու մասով նախատեսուած է սահմանագծման յանձնաժողովների հանդիպում։
