15.09c
Երեվան
երք, մրտ 17
Իրանի մէջ պատերազմական իրավիճակով պայմանաւորուած՝ դէպի Հայաստան իրանահայերու արտառոց հոսք չկայ: Այս մասին Ազգային Ժողովէն ներս լրագրողներու հետ զրոյցին ըսած է ՀՀ սփիւռքի գործերու գլխաւոր յանձնակատար Զարեհ Սինանեանը:
Ան նշած է, որ թուային յստակ տուեալ չունին, թէ քանի իրանահայ այս օրերուն եկած է Հայաստան:
«Բայց իրանահայերի՝ դէպի Հայաստան որեւէ արտառոց հոսք, որը տարբերւում է նախորդ ժամանակահատուածներից, չունենք: Որպէս այդպիսին, իրանահայերի շարժ դէպի Հայաստան չկայ»,-ըսած է Սինանեանը:
Ան վստահեցուցած է՝ անընդհատ կը փորձեն կապի մէջ ըլլալ Իրանի հայ համայնքի հետ, երբեմն կը յաջողին կապ հաստատել:
«Մարդիկ փորձում են վտանգաւոր վայրերից հեռու մնալ, տներում են, յոյս ունեն, որ շուտով այս ամէնը կը վերջանայ»,-նշած է Սինանեանը:
Անոր խօսքով՝ չհաստատուած տեղեկութիւններ կան իրանահայերու շրջանին 2 թեթեւ վիրաւորի մասին:
«Խօսք կար թեթեւ վիրաւորում ստացած 2 իրանահայերի մասին, սակայն շատ դժուար է այդ ամէնը հաստատելը»,-նշած է Սինանեանը:
