30.8c
Երեվան
ուրբ, հնս 19
Քրէական գործով կատարուած քննութեամբ հիմնաւորուած է, որ 2002թ. Մայիսի 16-ից Գ. Յակոբջանեանը Ս. Մայրապետեանի առաջարկով ստանձնած է փաստացի վերջինիս պատկանող «Գլոբուս» ՍՊԸ-ի տնօրէնի պաշտօնը: 2004թ. «Գլոբուս» ՍՊ ընկերութիւնը պայմանագիր է կնքել այլ ՍՊԸ-ի հետ, որու հիմքով վերջինիս իրականացուցած շինարարական աշխատանքներու արդիւնքով Երեւան քաղաքի Տէրեան 66 հասցէին մէջ 2006թ. կառուցուած է ընդհանուր 28650,63 քմ մակերեսով բնակելի շէնք:
Ինչպէս կը յայտնեն Գլխաւոր դատախազութենէն, «կառուցումից անմիջապէս յետոյ Ս. Մայրապետեանը, ի սկզբանէ նպատակ ունենալով չվճարել ընկերութեան ձեռնարկատիրական գործունէութեան արդիւնքում ստացուելիք փաստացի եկամուտից առաջացող առանձնապէս խոշոր չափերով հարկերը, 2006թ. ընթացքում ընկերութեան տնօրէն Գ. Յակոբջանեանի միջոցով կազմակերպել է «Գլոբուս» ՍՊԸ-ին պատկանող` նշուած բնակելի շէնքի թուով 141 միաւոր անշարժ գոյքերն ընկերութեան կողմից առուվաճառքի պայմանագրերում կեղծ` շուկայական արժէքներից էականօրէն ցածր գներ նշելու գործընթացը: Արդիւնքում` Գ. Յակոբջանեանի եւ ֆիզիկական անձանց միջեւ կնքուել են առուվաճառքի պայմանագրեր, որոնցում բնակարանների 1 քմ արժէքը նշուել է շուրջ 66.000 ՀՀ դրամ, աւտոկայանատեղիների արժէքը` շուրջ 75.000 ՀՀ դրամ, իսկ ոչ բնակելի տարածքների արժէքը` շուրջ 61.000 ՀՀ դրամ: Մինչդեռ տուեալ տարածքի բնակարանի 1 քմ շուկայական արժէքը նոյն ժամանակահատուածում կազմել է 770.000 ՀՀ դրամ, աւտոկայանատեղի արժէքը` 160.000 ՀՀ դրամ, իսկ ոչ բնակելի տարածքի արժէքը` 875.000 ՀՀ դրամ:
Այս գործընթացի հետեւանքով Գ. Յակոբջանեանը «Գլոբուս» ՍՊ ընկերութեան փաստացի եկամուտը չի ներառել հարկային մարմնին ներկայացուած հաշուարկներում` այդ կերպ պետական պիւտճէ չի վճարուել առանձնապէս խոշոր չափերով` ընդհանուր 5.678.764.260 ՀՀ դրամի հարկ:
2021թ. Դեկտեմբերի 7-ին ստացուել է Գ. Յակոբջանեանի դիմումը, որով վերջինս չի առարկել եւ խնդրել է իր նկատմամբ ՀՀ Քրէական օրէնսգրքի 205-րդ յօդուածի 2-րդ մասով յարուցուած քրէական հետապնդումը դադարեցնել վաղեմութեան ժամկէտներն անցնելու հիմքով:
ՀՀ հակափտածութիւն կոմիտէում 27.12.2021թ. կայացուել է այդ հիմքով Գ. Յակոբջանեանի նկատմամբ քրէական հետապնդումը դադարեցնելու մասին որոշում:
Հաշուի առնելով, որ առկայ է պետութեան գոյքային շահի խախտման հանգամանք` ՀՀ գլխաւոր դատախազութեան պետական շահերի պաշտպանութեան վարչութիւնը յօգուտ պետական պիւտճէի` հայցադիմում է ներկայացրել Երեւան քաղաքի ընդհանուր իրաւասութեան դատարան` Ս. Մայրապետեանից եւ Գ. Յակոբջանեանից` համապարտութեան կարգով, յօգուտ ՀՀ պետական բիւջէի, 5.678.764.260 ՀՀ դրամ բռնագանձելու պահանջով:
Դատարանի որոշմամբ հայցադիմումն ընդունուել է վարոյթ եւ հայցագնի չափով արգելանք է դրուել պատասխանողներին պատկանող գոյքի վրայ»:
