Բուքի ու ոչ յստակ տեսանելիութեան պատճառով փակ է Արցախը Հայաստանին կապող գլխաւոր ճանապարհը:
Արտակարգ իրավիճակներու նախարարութիւնը տեղեկացուցած է, որ ՀՀ տարածքին կան փակ եւ դժուար անցանելի ճանապարհներ։
Փակ է Արագածոտնի մարզի Ամբերդ ամրոցէն դէպի Քարի լիճ տանող ճանապարհը։
Շիրակի մարզի Մ-1 ճանապարհէն դէպի Մուսայէլեան, Կրասար գիւղեր եւ Ամասիա-Բերդաշէն ճանապարհները դժուար անցանելի են։
Վարդենեաց լեռնանցքը դժուար անցանելի է, իսկ կցորդիչով բեռնատարներու համար անհրաժեշտ է կիրառել անիւի շղթաներ։
Սիւնիքի, Վայոց ձորի Սարաւան-Զանգեր, Արագածոտնի, Լոռիի եւ Շիրակի մարզերու, Արթիկ-Ալագեազ ճանապարհներուն տեղ-տեղ առկայ է մերկասառոյց։
Սիւնիքի մարզի Շինուհայր գիւղը բուք է, Գորիս-Երեւան ճանապարհի 1-ին քմ-ը փակ է (բուքի պատճառով)։
Վայոց ձորի մարզի Սարաւան-Սարալանջ ճանապարհահատուածը միակողմանի երթեւեկելի է (Երեւան-Մեղրի ճանապարհի 158-րդ քմ.)։
Վրաստանի ՆԳՆ ԱԻ բաժանմունքէն եւ ՌԴ ԱԻՆ Հիւսիսային Օսեթիոյ ճգնաժամային կառավարման կեդրոնէն ստացուած տեղեկատուութեան համաձայն՝ Ստեփանծմինտա-Լարս ճանապարհը բաց է բոլոր տեսակի փոխադրային միջոցներու համար։
Վարորդներուն խորհուրդ կը տրուի երթեւեկել բացառապէս ձմեռնային անիւի դողերով։