6.09c
Երեվան
երկ, հնվ 27
Ատրպէյճանի պաշտպանութեան նախարարի տեղակալ, Զինուած ուժերու ցամաքային զօրքերու հրամանատար, զօրավար-գնդապետ Հիքմէթ Միրզոեւ հանդիպած է Թուրքիոյ Զինուած ուժերու գլխաւոր շտաբի պետ, բանակի զօրավար Մեթին Կիւրաքի հետ։ Տեղեկութիւնը յայտնած են տեղական լրատուամիջոցները:
Կողմերը յայտարարած են պաշտպանական ոլորտին մէջ համատեղ գործողութիւններու հետագայ ընդլայնման մասին։
Ատրպէյճանական լրատուամիջոցները գրած են, որ Միրզոեւ գոհ մնացած է այցէն։ Տեղի ունեցած է միտքերու հանգամանալից փոխանակում ռազմական, ռազմասարքաւորումներու, ռազմակրթական եւ այլ ոլորտներու համագործակցութեան հեռանկարներու, ինչպէս նաեւ փոխադարձ հետաքրքրութիւն ներկայացնող այլ հարցերու շուրջ:
Աւելի վաղ Միրզոեւ ընդունուած էր Թուրքիոյ ազգային պաշտպանութեան նախարար Եաշար Կիւլերի կողմէ, հանդիպման մասնակցած էր Թուրքիոյ ցամաքային զօրքերու հրամանատար, զօրավար Սելճուք Պայրաքթարօղլուն:
