14.09c
Երեվան
ուրբ, ապր 25
Դանիական լրասփիւռներէ քաղելով իր տեղեկութիւնը «Ալ Արապիա» կը հաղորդէ, որ Astrazeneca պատուաստի առնչութեամբ կազմակերպուած ասուլիսի ընթացքին, Դանիական դեղորայքի գործակալութեան տնօրէնուհի՝ Դանիա Էրիքսըն, որ կը խօսէր թէ իր երկրիրը առկախած է այս պատուաստի գործածութիւնը, յանկարծ ուշաթափուած ու գետին ինկած է:
Կը նշուի, որ ասուլիսին մասնակից լրագրողները շտապ օգնութեան հասած են ու զինք փոխադրած հիւանդանոց: Աւելի ուշ, բժիշկները յայտարարած են թէ անոր առողջական վիճակը լաւ է, բայց պատճառը չեն նշած:
Յիշեցնենք, որ Դանիոյ առողջապահական մարմիններ , բացարձակապէս առկախած են Astrazeneca պատուաստի գործածութիւնը, ի մասնաւորի շատ մը զեկոյցներու հրապարակումներէ ետք, որոնք կը հաստատեն պատուաստին կապը անակնկալ կաթուածներու հետ: Դանիոյ առողջապահութեան ընդհ. տնօրէն՝ Սուրէն Փրոսդրոմ յայտարարած է, «Հիմնուելով գիտական հետազօտութիւններուն , կը նշենք, որ «Քովիտ-19»-ի դէմ Astrazeneca պատուաստը, իսկական վտանգ է, անոր յառաջացուցած կողմնակի ազդեցութիւններուն պատճառաւ: Հետեւաբար որոշեցինք հեռացնել այս պատուաստը մեր երկրի պատուաստումի ծրագիրէն»:
