12.09c
Երեվան
կրկ, ապր 26
Սեպտեմբեր 25-ին Արցախի տարբեր ուղղութիւններով իրականացուած որոնողական աշխատանքներու շնորհիւ տարհանուած է 8 աճիւն եւ 10 քաղաքացի։
Արցախի տեղեկատուական շտաբը յայտնած է, որ Ասկերանի շրջանի Շոշ գիւղի տարածքէն տարհանուած է զոհուած մէկ զինծառայողի աճիւն եւ մէկ քաղաքացի, իսկ Կարմիր գիւղէն՝ մէկ տարեց կին։
2 աճիւն եւ մէկ քաղաքացիական անձ յայտնաբերուած է Մարտակերտի շրջանի Քիչան գիւղի տարածքէն, եւս մէկ քաղաքացի`Վանք գիւղէն։
Մէկ քաղաքացի յայտնաբերուած ու տեղափոխուած է Ստեփանակերտ քաղաքի Քրքժան թաղամասէն։
Ատրպէյճանական կողմը հայկական կողմին անվնաս վիճակի մէջ փոխանցած է 5 քաղաքացի եւ 5 աճիւն։
Ողջ մնացած քաղաքացիներու առողջական վիճակը բաւարար է։
