15.09c
Երեվան
ուրբ, հկտ 10
Հայրենիքի պաշտպանութեան սրբազան գործին համար նահատակուած են հայր եւ որդի Էտիկ եւ Արմէն Կարապետեանները»,- 168.am-ի հետ զրոյցի ժամանակ անոնց համայնքի ղեկավարի տեղակալ Գոռ Սարիբէկեանը:
«Արմէնը ժամկէտային զինծառայող էր, 19 տարեկան, տան փոքրն էր, իրմէ մեծ 2 քոյր ունի: Հայրենասէր երիտասարդ էր, նախաձեռնող, համայնքին մէջ շատ աշխոյժ, ընկերասէր, մանուկ հասակէն դաստիարակուած էր հայրենասիրութեամբ ու հայրենիքի նկատմամբ մեծ նուիրուածութեամբ, հօր օրինակին հետեւելով: Հայրն ալ՝ Կարապետեան Էտիկը, 56 տարեկան էր, արցախեան գոյամարտի մասնակից եղած է 1992-1994 թուականներուն, «Շուն Էտօ» մարտական անունը ունեցած է: Պատերազմը սկսելուն պէս կամաւորագրուած է, գացած է մասնակցելու կռիւին: Տղային մօտ չէր գացած, ուրիշ կէտի մէջ կռուած է»,- ըսած է համայնքի ղեկավարի տեղակալը:
Անոր խօսքով՝ սկիզբը տղան՝ Արմէնը զոհուած է, յետոյ հայրը՝ Էտիկը:
«Էտիկը տեղեակ չէ եղած, որ որդին զոհուած է, տարբեր ճակատներու վրայ կռուած են: Արմէնը վերջին անգամ, երբ տնեցիներուն հետ խօսած է, ըսած է՝ ամէն ինչ նորմալ է, կը պայքարինք: Հայր եւ որդի գիտակցուած մահուան գացած են: Շատ սոսկալի ցաւ է բոլորիս համար, մէկ տունէն՝ 2 հոգի: Այսօր յուղարկաւորութիւնը եղաւ, Եռաբլուրոի մէջ հայր ու որդի կողք կողքի թաղուեցան»:
Յիշեցնենք, որ Արցախի ՊԲ-ն 5 հոկտեմբերին հրապարակեց եւս 21 նահատակուած զինծառայողներու անունները, որոնց շարքին էր նաեւ 19-ամեայ Արմէն Էտիկի Կարապետեանը:
