19.59c
Երեվան
կրկ, հնս 21
Թուրքիան նպատակ ունի բանալ «Զանգեզուրի միջանցքը» եւ կը յապաղի կարգաւորել Հայաստանի հետ յարաբերութիւնները` սպասելով Հայաստանի եւ Ատրպէյճանի միջեւ խաղաղութեան պայմանագրի ստորագրման:
ՀՀ Արտաքին գործոց նախարարութիւնը յայտնած է, որ Յուլիս 1-ին Վիեննայի մէջ պիտի կայանայ Հայաստանի եւ Թուրքիոյ յատուկ ներկայացուցիչներու հերթական հանդիպումը: Հանրութեան մօտ այս հանդիպման շուրջ, ըստ թրքագէտ Անդրանիկ Իսպիրեանի, որոշակի ակնկալիքներ կան:
Սակայն փորձագէտը վստահ է, որ հանդիպումը արարողակարգային բնոյթ կը կրէ:
«Մենք տեսնում ենք Թուրքիայի յայտարարութիւնները, Հայաստանի վարչապետի արձագանգը: Անգարայի կողմից հայ-թուրքական յարաբերութիւններում առարկայական քայլեր դեռ չենք նկատում», ըսաւ Իսպիրեանը:
Յիշեցնենք, որ սա արդէն Ռուբէն Ռուբինեանի եւ Սերտար Քըլըճի չորրորդ հանդիպումն է: Երկու հանդիպումները կայացած են Մոսկուայի եւ Վիեննայի մէջ: Վերջին հանդիպումը, որ կայացած էր Վիեննայի մէջ, ՀՀ ԱԳՆ-ն որակած է որպէս «անկեղծ եւ արդիւնաւէտ» եւ վստահեցուցած, որ կողմերը «հաստատած են իրենց համաձայնութիւնը` շարունակել առանց նախապայմաններու գործընթացը»:
Թուրքիան նպատակ ունի բանալ «Զանգեզուրի միջանցքը» եւ կը յապաղի կարգաւորել Հայաստանի հետ յարաբերութիւնները` սպասելով Հայաստանի եւ Ատրպէյճանի միջեւ խաղաղութեան պայմանագրի ստորագրման:
«Պէտք է ճիշդ հաշուարկել այդ երկրների հետ յարաբերութիւնները եւ համապատասխան քաղաքականութիւն վարել», ըսաւ թրքագէտը:
