6.85c
Երեվան
երք, մրտ 25
Ֆինլանտայի եւ Շուէտի պատուիրակութիւնները պիտի այցելեն Թուրքիա` քննարկելու ՆԱԹՕ-ին իրենց անդամակցութեան գործընթացը, սակայն այդ պիտի չփոխէ Անգարայի դիրքորոշումը, յայտարարած է Թուրքիոյ նախագահ Ռեճեպ Թայիպ Էրտողանը:
«Պիտի գան Թուրքիա: Պիտի գան մեզի հակառակը համոզելո՞ւ: Թող չնեղանան, թող իրենց նեղութիւն չտան: Թուրքիան «այո» պիտի չըսէ մեր երկրին դէմ պատժամիջոցներ կիրառող երկիրներու անվտանգութեան կազմակերպութեան անդամակցելուն: Մենք նոյն սխալը չենք կրկներ: Մենք չենք կրնար «այո» ասել: Այդ պարագային ՆԱԹՕ-ն անվտանգութեան կազմակերպութիւն չ'ըլլար, այլ կը դառնայ վայր մը, ուր պիտի ըլլան ահաբեկիչներու բազմաթիւ ներկայացուցիչներ: Մենք չենք կրնար «այո» ասել, թող չնեղանան», ըսած է Էրտողան:
Անոր խօսքով, Թուրքիան չի կրնար հաւատալ Ֆինլանտայի ու Շուէտի հաւաստիացումներուն, եթէ անոնք ըսեն, որ պիտի չաջակցին «ահաբեկիչներուն»: «Ես պէտք է ձեզի բացայայտ եւ անկեղծ ասեմ` եթէ երկու երկրներն ալ ըսեն, որ մենք դէմ ենք ահաբեկչական կազմակերպութիւններուն, ինչ որ, ի դէպ, ճիշդ հակառակն է, անոնք յայտարարութիւններ ունին, որ ահաբեկիչները պիտի չարտայանձնեն Թուրքիոյ: Մենք չենք կրնար նոյն սխալը երկու անգամ գործել: Աւելի վաղ Յունաստանը դուրս եկած էր ՆԱԹՕ-էն, ապա դարձեալ մտաւ: Հիմա իմ ժողովուրդիս հարց կու տամ` դաշինքի հիմնական երկիրները կ'աջակցի՞ն Յունաստանին: Կ'աջակցին: Այնտեղ կայաններ կը ստեղծե՞ն: Կը ստեղծեն: Ինչպէ՞ս կրնանք հաւատալ անոնց: Շուէտը ահաբեկչութեան օճախ է, անոնց խորհրդարանին մէջ Քիւրտիստանի աշխատաւորական կուսակցութեան ահաբեկիչներ կան: Ինչպէ՞ս հաւատալ», ըսած է Էրտողան:
