8.09c
Երեվան
ուրբ, նմբ 08
Ամերիկայի Միացեալ Նահանգներու զինուած ուժերը Սուրիոյ մէջ անօդաչու թռչող սարքով հարուած հասցուցած են, որու հետեւանքով սպաննուած է «Իսլամական պետութիւն» (ԻՊ) ահաբեկչական խմբաւորման առաջնորդներէն մէկը. այս մասին յայտարարուած է երկուշաբթի գիշերը:
ԱՄՆ բանակի կեդրոնական հրամանատարութիւնը (CENTCOM) հաստատած է, որ գործողութեան հետեւանքով սպաննուած է ԻՊ-ի աւագ առաջնորդ Խալիտ Այտ Ահմատ ալ Ճապուրին. ահաբեկիչը պատասխանատու էր Եւրոպայի մէջ յարձակումներու ծրագրման եւ ԻՊ-ի ղեկավարութեան ռազմական գերատեսչութեան հրամանատարութեան: Այս հարուածի հետեւանքով որեւէ խաղաղ բնակիչ չէ զոհուած կամ վիրաւորուած, ըսուած է CENTCOM-ի յայտարարութեան մէջ։
Զօրավար Մայքլ Քուրիլան ըսած է, որ ԻՊ կը շարունակէ սպառնալիք ներկայացնել տարածաշրջանի համար եւ անկէ դուրս:
