26.09c
Երեվան
հնգ, հլս 10
Միացեալ Նահանգներու ԱԳ փոխնախարար Քուրթ Քեմփպելը երէկ՝ մարտ 8-ին, հանդիպած է Թուրքիոյ արտաքին գործոց նախարարի տեղակալ Պուրաք Աքչափարին։ Այս մասին հաղորդագրութիւն տարածած է ԱՄՆ արտաքին գործոց նախարարութիւնը։
Միացեալ Նահանգներու ԱԳ փոխնախարար Քուրթ Քեմփպելն ու Թուրքիոյ արտաքին գործոց նախարարի տեղակալ Պուրաք Աքչափարը Ուաշինկթընի մէջ քննարկած են տարածաշրջանային եւ համաշխարհային առաջնահերթութիւններու շուրջ ԱՄՆ-ի եւ Թուրքիոյ միջեւ ռազմավարական համագործակցութեան հետագայ ամրապնդման ուղիները։
Այդ մասին նշուած է ԱՄՆ արտաքին գործոց նախարարութեան հաղորդագրութեան մէջ:
«Կողմերը անդրադարձած են Կեդրոնական Ասիոյ մէջ տնտեսական համագործակցութեան, Հարաւային Կովկասի մէջ խաղաղութեան եւ Ասիոյ մէջ ու անոր սահմաններէն դուրս համատեղ աշխատանքի այլ հնարաւորութիւններուն»,- նշած են արտաքին գործոց նախարարութենէն:
