24.09c
Երեվան
ուրբ, սպտ 13
Ատրպէյճանն ու Ուքրանիան կը կապեն հարուստ աւանդոյթներով բարեկամական յարաբերութիւնները։ Այս մասին Ուքրանիոյ ազգային տօնի՝ Անկախութեան օրուան կապակցութեամբ նախագահ Վլատիմիր Զելենսքիի ուղղուած շնորհաւորական ուղերձին մէջ գրած է Ատրպէյճանի նախագահ Իլհամ Ալիեւ։
«Ատրպէյճանը եւ Ուքրանիան փոխադարձ աջակցութիւն եւ համերաշխութիւն կը ցուցաբերեն տարածքային ամբողջականութեան եւ ինքնիշխանութեան հարցերու մէջ՝ ՄԱԿ-ի Կանոնադրութեան, միջազգային նորմերուն ու սկզբունքներուն համապատասխան։ Մտադրութիւն կ'արտայայտենք հետագային եւս գործադրել բոլոր ջանքերը Ուքրանիոյ բարեկամ ժողովուրդին անհրաժեշտ մարդասիրական աջակցութիւն եւ օգնութիւն ցուցաբերելու համար»,- ըսուած է Ալիեւի նամակով։
Ատրպէյճանի նախագահը նաեւ վստահութիւն յայտնած է, որ Քիեւն ու Պաքուն յաջողութեամբ պիտի շարունակեն համատեղ ջանքերը՝ ուղղուած «ատրպէյճանական-ուքրանական բարեկամութեան եւ յուսալի գործընկերութեան ամրապնդման եւ համագործակցութեան ընդլայնման»:
