9.09c
Երեվան
հնգ, ապր 30
Թուրքիոյ ամէնէն ընդդիմադիր համարուած թերթերէն «Ռատիքալ»ը, մարտ 25էն սկսեալ պիտի դադրի հրատարակուելէ։ Թերթի գլխաւոր խմբագիր Ճեմ Էրճիէս 24 մարտին գերմանական «Deutsche Welle»ի հետ հարցազրոյցի մը ընթացքին հաստատած է թերթի փակուելուն մասին վերջին քանի մը օրերուն շրջող տարաձայնութիւնները՝ նշելով, որ աշխատակիցներուն մէկ մասը պիտի տեղափոխուի «Հիւրրիէթ», իսկ մեծ մասը անգործ պիտի դառնայ: Տեղի է նշել, որ վերջին շրջանին «Ռատիքալ» լոյս կը տեսնէր միայն ելեքդրոնային տարբերակով: Յիշեցնենք, որ «Ռատիքալ» Թուրքիոյ մէջ թապու համարուած այլ նիւթերու կողքին կարեւոր տեղ կու տար Հայոց Ցեղասպանութեան խնդրին ու նիւթի շուրջ տեղի ունեցող խմորումներուն: «Րատիքալ»ի փակումով Թուրքիոյ առաջատար մտաւորականութիւնը կարեւոր բեմ մը կորսնցուց:
