17.09c
Երեվան
հնգ, հկտ 15
Սուրիոյ մէջ պարտութիւն կրելէ ետք ահաբեկչական խմբաւորումներու անդամներէն շատերը լքած են իրենց հսկած տարածքներն ու զէնքերը եւ նոյնիսկ կանանց հագուստներ հագուելով փորձած են հատել թրքական սահմանը:
Ըստ լիբանանեան «Ալ Ժատիտ» կայանին ահաբեկչական խմբաւորումներու, անդամ զինեալները անարգանքի արժանացած են:
Աղբիւրը նոյնպէս կը յայտնէ, որ նոյն խնդրին վերաբերեալ տարածուած են լուսանկարներ, ուր երեւելի կը դառնան Սուրիայէն Թուրքիա հասած ահաբեկիչներուն «չարչարանք»ներու եւ ծաղրի ենթարկուած ըլլալու տեսարանները :
Ըստ սուրիահայ լրագրող՝ Սարգիս Գասարճեանին, այս տեսակի չարչարանքներն ու նկարներուն տարածումը թրքական ընդդիմադիր կողմին պատկանող անդամներուն գործն է:
Լրագրողը նաեւ յայտնած է, թէ Սուրիոյ եւ Թուրքիոյ սահմանի վրայ գտնուող թուրք զինուորները անդամ են ընդդիմադիր ՝ Ֆաթհ Ալլահ Կիւլէնի «Ֆէթո» շարժման, որուն նպատակն է՝ ցոյց տալ Էրտողանի իշխանութեան թուլութիւնը:
Յիշեցնենք, որ այս դէպքը առաջինը չէ: Սուրիոյ պատերազմէն ի վեր այսպիսի դէպքեր սկսած են պատահիլ եւ հարիւրաւոր սուրիացիներ վիրաւորուած են թրքական սահմանի հսկիչներու չարչարանքներուն հետեւանքով:
