21.82c
Երեվան
կրկ, հնս 28
Սոչիի համագումարի աւարտին մասնակից երկիրները համատեղ յայտարարութեամբ հանդէս եկած են, ուր շեշտը դրած են Սուրիոյ ինքնիշխանութեան, անկախութեան եւ սուրիական հողերու միասնութեան վրայ, միաժամանակ կոչ ուղղելով շարունակել ահաբեկչութեան դէմ մղուող պայքարը: Այս մասին կը հաղորդէ «Ալ Մայատին» լրատուական կայքը:
Մասնակից երկիրները յայտարարած են նաեւ, որ յառաջիկայ նոյեմբեր ամսուայ ընթացքին Սուրիոյ ճգնաժամի շուրջ բարձր մակարդակի հանդիպում տեղի պիտի ունենայ, իսկ սահմանադրական յանձնաժողովի բանակցութիւնները տեղի պիտի ունենան սեպտեմբերին, Ժնեւի մէջ:
Յայտարարութեան մէջ կողմերը ընդհանուր սահմանում տուած են Սուրիոյ մէջ ահաբեկչութեան դէմ պայքարի գաղափարին, որուն միջոցով պիտի ոչնչացուին «Իսլամական Պետութիւն», «Նուսրա», «Ալ Քահիտա» խմբաւորումները:
